سوت ۇكىمىمەن 2 قالا تۇرعىنى قازاقستان رەسپۋبليكاسىنىڭ ويىن بيزنەسى تۋرالى زاڭناماسىندا بەلگىلەنگەن ورىنداردان تىس جەرلەردە قۇمار ويىنداردى ۇيىمداستىرعانى جانە وتكىزگەنى ءۇشىن 4 جىلعا باس بوستاندىعىنان ايىرىلدى.

كۇدىكتىلەر الدىن الا ءسوز بايلاسۋ ارقىلى  «TikTok»الەۋمەتتىك جەلىسىندە «زاريك» اتتى قۇمار ويىنىن وتكىزىپ، جالپى سوماسى 34 ملن تەڭگەدەن استام تابىس تاپقان.

ويىننىڭ شارتىنا سايكەس، تىكەلەي ەفيرگە قوسىلعان ازاماتتار 500-دەن 4000 تەڭگەگە دەيىنگى مولشەردەگى بەلگىلەنگەن سومانى ۇيىمداستىرۋشىنىڭ ەسەپشوتىنا ەسىمىن جانە ۇتىس الۋ ءۇشىن جەكە تەلەفون ءنومىرىن كورسەتە وتىرىپ جولدايدى. ءبىر ويىن تەك ەكى قارسىلاستىڭ اراسىندا وتەدى.

ءباس تىگۋدىڭ جەڭىمپازى 3 رەت ويىن تەكشەسىن اينالدىرۋ ارقىلى انىقتالادى. ەڭ كوپ ۇپاي جيناعان ويىنشى جەڭىمپاز بولىپ تابىلادى.

ۇكىم زاڭدى كۇشىنە ەندى.

Abai.kz