مارستى زەرتتەۋشى Insight اپپاراتىنان تۇسكەن مالىمەتتەر 12-20 مىڭ مەتر تەرەڭدىكتە سۋ بارىن كورسەتتى. سۋ قويماسى جار قاباتتارىندا جاتىر. بۇل جونىندە مارس تۋرالى جاڭا دەرەكتەرگە سۇيەنگەن BBC جازدى، دەپ حابارلايدى Abai.kz azattyq.org سايتىنا سىلتەمە جاساپ.

2018 جىلى مارسقا قونعان امەريكالىق زوندتىڭ مودۋلىنە ورناتىلعان سەيسمومەتر ءتورت جىل بويى مارس قاباتتارىنداعى تەربەلىستى تىركەپ كەلگەن. ءتورت جىل ىشىندە زوند 1319 جەر سىلكىنىسىن تىركەگەن.

مارستاعى سىلكىنىستەر تۋرالى مالىمەتتى ساراپتاعان ماماندار سۇيىق سۋعا ءتان سەيسميكالىق سيگنالداردى انىقتاعان.

"مارستىڭ سۋ تسيكلىن ءتۇسىنۋ كليمات، توپىراق جانە پلانەتا قويناۋىنىڭ ەۆوليۋتسياسىن تۇسىنۋدە شەشۋشى ءرول اتقارادى" دەدى سان-ديەگوداعى كاليفورنيا ۋنيۆەرسيتەتىنىڭ وكەانوگرافيا ينستيتۋتىنىڭ جەتەكشى زەرتتەۋشىسى، دوكتور ۆاشان رايت.

Abai.kz