«12 – تامىز حالىقارالىق جاستار كۇنىنە وراي» جەتىسۋ وبلىسىندا «كوشباسشى – 2024» جاستار سىيلىعىن تابىستاۋ سالتاناتى ءوتتى. داستۇرگە اينالعان بايقاۋعا قاتىسۋشىلار سانى جىل سايىن ارتىپ كەلەدى. وبلىس اكىمىنىڭ جاستار سىيلىعى جاستاردىڭ قوعامداعى جەتىستىكتەرىن، كوشباسشىلىق قابىلەتتەرىن جانە شىعارماشىلىق الەۋەتىن اتاپ ءوتۋ ماقساتىندا ۇيىمداستىرىلۋدا. بيىل 172 ۇمىتكەر ءوتىنىش قالدىرىپ، 15 اتالىم بويىنشا ءوز سالاسىندا ۇزدىكتەر انىقتالدى. بۇگىن ۇزدىكتەرگە وبلىس اكىمىنىڭ ارنايى سىيلىعى تاپسىرىلدى.
كوشباسشىلاردى قۇتتىقتاۋ ءۇشىن ونەر مايتالماندارى، ەسترادامىزدىڭ جارىق جۇلدىزدارى نۇرجان كەرمەنباەۆ پەن سەرىك يبراگيموۆ ءان شاشۋلارىن سىيلاپ، قۇتتىقتادى.
«كوشباسشى-2024» جاستار سىيلىعىنىڭ تابىستاۋ ءراسىمى جاستاردىڭ شىعارماشىلىق جانە كوشباسشىلىق قابىلەتتەرىن دارىپتەۋگە باعىتتالعان ماڭىزدى وقيعا بولىپ تابىلادى. كوشباسشى جاستار سىيلىعى وبلىسىمىزدىڭ جاستار ساياساتىنا جاڭا سەرپىن بەرىپ، بولاشاقتا دا جوعارى دەڭگەيدەگى جەتىستىكتەرگە جەتۋگە ىنتالاندىرادى.

Abai.kz