№2 اقتوبە قالالىق سوتىندا قىلمىستىق كودەكستىڭ «الاياقتىق» بابى بويىنشا ءىس قارالدى. ءىس ماتەريالىنا سۇيەنسەك، سوتتالۋشى اقتوبە قالاسى 11 شاعىن اۋدانىنداعى كوپقاباتتى ۇيدەن نارىق قۇنىنان تومەن باعادا پاتەر ۇسىنادى. ول «قازاقستاننىڭ ورنىقتىلىق قورى» اق-نىڭ كەپىلدىك حاتىن، ساتىپ الۋ - ساتۋ شارتتارى سەكىلدى زاڭدى كۇشى جوق قۇجاتتاردى كورسەتكەن. ءسويتىپ ادامداردىڭ سەنىمىنە كىرىپ، الداپ 17 جابىرلەنۋشىنىڭ 314 ملن تەڭگەدەن استام اقشاسىن يەلەنەدى. سوتتالۋشى 2 ادامنان العان اقشاسىن كەرى قايتارىپ، ءۇشىنشى جابىرلەنۋشى قارجىسىنىڭ ءبىر بولىگىن بەرگەن.

سوت وتىرىسى كەزىندە سوتتالۋشى كىناسىن تولىق مويىنداپ، جاساعان ارەكەتىنە وكىنەتىنىن، جابىرلەنۋشىلەرگە ماتەريالدىق زالالدى وتەيتىنىن ايتىپ، باس بوستاندىعىنان ايىرماۋدى سۇرادى.

– سوت ۇكىمىمەن ازاماتشا و. كىنالى دەپ تانىلىپ، وعان 6 جىل مەرزىمىنە باس بوستاندىعىنان ايىرۋ جازاسى تاعايىندالدى. 15 جابىرلەنۋشىنىڭ جالپى سوماسى 291 314 528 تەڭگەنى قۇرايتىن ازاماتتىق تالابى قاناعاتتاندىرىلدى. جابىرلەنۋشىلەرگە زالالدى وتەۋ ءۇشىن سوتتالعانعا تيەسىلى اۆتوكولىك، الماتى قالاسىندا ورنالاسقان جەر ۋچاسكەسى جانە بانكتىك ەسەپشورتتار ءوندىرىپ الىندى. ۇكىم زاڭدى كۇشىنە ەنگەن جوق، - دەپ حابارلادى اقتوبە قالاسى №2 سوتىنىڭ ءباسپاسوز قىزمەتى.

ايتا كەتەيىك، سوتتالۋشىنىڭ 4 بالاسى بار. بالالار الماتى قالاسىنداعى قورعانشىلىق جانە قامقورشىلىق قىزمەتىنە بەرىلدى.

Abai.kz