تۇركى دۇنيەسى جازۋشىلار وداعىنىڭ توراعاسى ۇلىقبەك ەسداۋلەت تۇركيەنىڭ كورنەكتى قالامگەر جازۋشىسى، "قاردەش قالەملەر" جۋرانالىنىڭ باس رەداكتورى ياكۋب  ومەروعلىنىڭ ومىردەن وتۋىنە بايلانىستى تۇركى الەمىنە كوڭىل ايتۋ جازباسىن جاريالادى.

"ەۋرازيا جازۋشىلار وداعىنىڭ توراعاسى، كورنەكتى جازۋشى-قالامداسىمىز، 37 ەلگە تارايتىن “قاردەش قالەملەر” جۋرنالىنىڭ باس رەداكتورى، ەۋروپا عىلىم، ونەر جانە ادەبيەت اكادەمياسىنىڭ مۇشەسى، ياسساۋي حالىقارالىق ۋنيۆەرسيتەتىنىڭ پروفەسسورى، عازي ۋنيۆەرسيتەتىنىڭ ۇستازى، عىلىم دوكتورى، تۇرىك دۇنيەسىنىڭ تاۋ تۇلعالى قايراتكەرى ياكۋب ومەروعلى دوسىمىز ومىردەن ءوتىپتى. جايساڭ ازاماتتىڭ جانى جانناتتا بولسىن!

ورنى تولماس اۋىر قازا!

تۇركسوي ۇيىمى جانىنداعى تۇركى دۇنيەسى جازۋشىلار قاۋىمداستىعى اتىنان كۇللى تۇرىك الەمىنە قاتتى قايعىرىپ كوڭىل ايتامىن!", - دەپ جازدى ۇلىقبەك ەسداۋلەت.

Abai.kz