مۇنداي مۇمكىندىك ادىلەت مينيسترلىگىنىڭ باستاماسىمەن جەڭىلدەتىلگەن ءوندىرىستىڭ جاڭا ينستيتۋتى اياسىندا حالىق يگىلىگىنە ۇسىنىلىپ وتىر.

مەملەكەت باسشىسىنىڭ تاپسىرماسى بويىنشا ازاماتتاردىڭ كرەديتتەلۋىن تومەندەتۋ جانە ادىلەت ورگاندارىنىڭ جۇمىسىن ودان ءارى تسيفرلاندىرۋ بويىنشا زاڭناماعا ءتيىستى وزگەرىستەر ەنگىزىلدى.

«بۇرىن قارىزدى ۋاقتىلى وتەمەگەن جاعدايدا، ازاماتتار جەكە سوت ورىنداۋشىنىڭ قىزمەتى ءۇشىن ايىپپۇل سوماسىنا قوسىمشا 25% قاراجات تولەۋگە مىندەتتى بولعان. ەندى ازاماتتار وسى شىعىنداردان جانە جسو-نا بارۋدان بوساتىلادى. ماسەلەن، 20 اەك-كە دەيىنگى سوماداعى وڭايلاتىلعان وندىرىسكە ازاماتتار EGOV Mobile-دا ءىس تۋرالى ەگجەي-تەگجەيلى اقپاراتى بار 1414-تەن SMS حابارلامالار مەن push-حابارلامالار الاتىن بولادى.

حالىققا ىڭعايلى بولۋ ءۇشىن بارلىق قامتاماسىز ەتۋ شارالارىن (تىيىم سالۋ) اۆتوماتتى تۇردە الىپ تاستاي وتىرىپ، بەرەشەكتى ونلاين تولەۋ قولجەتىمدى. وسىلايشا، ادامي فاكتور تولىعىمەن الىنىپ تاستالادى»، — دەپ ءتۇسىندىردى مينيسترلىكتەن.

الدىن الا ەسەپتەۋلەر بويىنشا جەكە سوت ورىنداۋشىلارىنا قىزمەت اقىسىنىڭ 25% الىپ تاستاۋ ەسەبىنەن جىل سايىن ازاماتتاردىڭ قارجىلىق جۇكتەمەسى شامامەن 5,5 ملرد. تەڭگەگە تومەندەيدى دەگەن بولجام بار.

وسىلايشا سوت ورىنداۋشىلارىمەن بايلانىسۋدىڭ قاجەتى جوق، بارلىق ارەكەتتەر ونلاين رەجيمىندە جۇرگىزىلەدى جانە ءوندىرىستى توقتاتۋ جانە قاماۋعا الۋدى الىپ تاستاۋ ءۇشىن تۇبىرتەكتەر مەن باسقا دا راستايتىن قۇجاتتاردى ۇسىنۋدىڭ قاجەتى جوق.

ايتا كەتۋ كەرەك، كۇنتىزبەلىك 30 كۇن ىشىندە اتقارۋشىلىق قۇجاتتىڭ (وڭايلاتىلعان ءىس جۇرگىزۋ بويىنشا) تالاپتارى ورىندالماعان جاعدايدا، ءىس جەكە سوت ورىنداۋشىسىنا ورىنداۋعا بەرىلەتىن بولادى جانە ودان كەيىنگى اتقارۋشىلىق ارەكەتتەر كوميسسيانى ءوندىرىپ الا وتىرىپ، جالپى تارتىپپەن جۇزەگە اسىرىلادى.

ەستەرىڭىزگە سالا كەتەيىك، اعىمداعى جىلدىڭ 18 قاڭتارىنان باستاپ بۇل جوبا تاراز قالاسى بويىنشا سىناقتان وتكىزىلىپ، ازاماتتاردىڭ اقشالاي مىندەتتەمەلەرىن تومەندەتۋ، قاعاز تاسىعىشتان تولىق باس تارتۋ جانە اتقارۋشىلىق ءىس جۇرگىزۋدى ورىنداۋ پروتسەسىندە ادامي فاكتوردى الىپ تاستاۋ تۇرىندە وڭ ناتيجە كورسەتتى.

Abai.kz