2024 جىلدىڭ 16 قىركۇيەك كۇنى Almaty Theatre تەاترىندا مۇحتار اۋەزوۆ اتىنداعى قازاق ۇلتتىق دراما تەاترىنىڭ 99-تەاتر ماۋسىمىنىڭ اشىلۋ سالتاناتى وتەدى، شارا اياسىندا «قوزى كورپەش-بايان سۇلۋ» قويىلىمى ساحنالانادى.

1926 جىلى 13 قاڭتاردا ءوز شىمىلدىعىن رەسمي تۇردە مۇحتار اۋەزوۆتىڭ «ەڭلىك-كەبەك» تراگەدياسىمەن اشقان، ءوز تاريحىندا ۇلكەن بەلەستەردەن ءوتىپ، ۇلتتىق ونەردىڭ سيمۆولىنا اينالعان مۇحتار اۋەزوۆ اتىنداعى قازاق ۇلتتىق دراما تەاترىنا 2026 جىلى عاسىر تولادى.

مەملەكەت باسشىسى قاسىم-جومارت كەمەلۇلى توقاەۆ مادەنيەت جانە ونەر قىزمەتكەرلەرى كۇنىنە وراي وتكەن سالتاناتتى جيىندا مۇحتار اۋەزوۆ اتىنداعى قازاق ۇلتتىق دراما تەاترىنىڭ عيماراتى جاقىندا تولىقتاي قايتا جاڭعىرتىلاتىنىن ايتتى. بۇل جۇمىس اتالعان ونەر ورداسىنىڭ 100 جىلدىق مەرەيتويىنا وراي، ياعني 2026 جىلى اياقتالادى.دەگەنىمەن، شىعارماشىلىق الەۋەتى جوعارى تەاتر ۇجىمى بيىك كوركەم ونەر، جاڭا تۇرپاتتى مادەنيەت جاساۋ، وتانسۇيگىشتىك، ىزگىلىك، ادامگەرشىلىك، سۇلۋلىقتى دارىپتەۋ جولىنداعى جۇمىسىن توقتاتپايدى.

2024 جىلدىڭ 16 قىركۇيەك كۇنى Almaty Theatre تەاترىندا مۇحتار اۋەزوۆ اتىنداعى قازاق ۇلتتىق دراما تەاترىنىڭ 99 ماۋسىمىنىڭ سالتاناتتى اشىلۋى وتەدى. شارا اياسىندا قالامىزدىڭ اعىمداعى جىلدا بولعان تەاتر ءومىرىنىڭ ايشىقتى وقيعالاردىڭ ءبىرى «قوزى كورپەش – بايان سۇلۋ» جاڭا قويىلىمى ۇسىنىلادى.

سالتاناتتى ءىس-شارا «Almaty Theatre» تەاترىنىندا ساعات 18:00-دە باستالادى. كەش قوناقتارىن ارنايى دايىندالعان كەش باعدارلاماسى مەن  تەاتر باسشىلىعىنىڭ قۇتتىقتاۋ سوزدەرى كۇتەدى. بۇل باق وكىلدەرى ءۇشىن ءبىرىنشى بولىپ جاڭا ماۋسىمعا ارنالعان جوسپارلار مەن جوبالاردان حاباردار بولۋعا، سونداي-اق قويىلىم رەجيسسەرى مەن قويىلىمنىڭ باستى كەيىپكەرلەرىمەن سۇحبات الۋعا بىرەگەي مۇمكىندىك.

قويىلىمعا دەيىن، ساعات 19:00-عا جوسپارلانعان ءباسپاسوز ءماسليحاتى باق وكىلدەرىنە رەجيسسەرگە، اكتەرلەر مەن تەاتر باسشىلىعىنا سۇراقتار قويۋعا مۇمكىندىك بەرەدى.

ماۋسىمنىڭ  قازاق ادەبيەتىنىڭ  جاۋھار تۋىندىسى ماحاببات پەن ادالدىق اڭىزىنا نەگىزدەلگەن جاڭا ماۋسىمنىڭ «قوزى كورپەش – بايان سۇلۋ» قويىلىمىمەن اشىلۋىنىڭ سيمۆوليكالىق ءمانى بار. بۇل قويىلىم ءبىزدىڭ تاريحىمىز بەن مادەنيەتىمىزدى ۇشتاستىراتىن جاڭا 99-شى ماۋسىمىمىزدىڭ تاماشا باستاماسى. تەاتردىڭ 99-ماۋسىمىنىڭ «قوزى كورپەش – بايان سۇلۋ» سپەكتاكلىمەن اشىلۋى قالانىڭ  مادەني جاڭالىقتار كەڭىستىگىندە جارقىن وقيعاعا اينالاتىنى ايقىن.

وتەتىن ورنى: Almaty Theatre تەاترى، ءال-فارابي داڭعىلى 30

Abai.kz