قوناەۆ گارنيزونىندا ارنايى وپەراتسيالار كۇشتەرىنىڭ اسكەري قىزمەتشىلەرى ءۇشىن Commandos كۋرسى ۇيىمداستىرىلدى. بۇل تۋرالى قر قورعانىس مينيسترلىگى حابارلادى. 

ارنايى جاساقتاردىڭ جاۋىنگەرلىك دايىندىعىنا ارنالعان تەوريالىق جانە پراكتيكالىق ساباقتاردى تۇركيا رەسپۋبليكاسى قارۋلى كۇشتەرىنىڭ نۇسقاۋشىلارى جۇرگىزەدى.

Commandos كۋرسى ءۇش ايعا سوزىلادى. وسى ۋاقىت ىشىندە تۇرىك ماماندارىنىڭ باسشىلىعىمەن اسكەري قىزمەتشىلەر تەرروريزمگە قارسى وپەراتسيالاردى جۇرگىزۋدىڭ جانە زاڭسىز قارۋلى قۇرالىمدارعا قارسى ءىس-قيمىلدىڭ ۇيىمداستىرۋشىلىق جانە تاكتيكالىق تاسىلدەرىن مەڭگەرەدى.

كۋرس باعدارلاماسىنا سايكەس وقۋ-جاۋىنگەرلىك تاپسىرمالار قالالىق، تاۋلى جانە ورماندى دالالى جەرلەردە ورىندالاتىن بولادى.

قازاقستان مەن تۇركيا قارۋلى كۇشتەرىنىڭ ەكىجاقتى ىنتىماقتاستىعى شەڭبەرىندە ۇيىمداستىرىلعان ءىس-شارا ارنايى وپەراتسيالار كۇشتەرى بولىمشەلەرى اسكەري قىزمەتشىلەرىنىڭ جاۋىنگەرلىك داعدىلارىن جەتىلدىرۋگە باعىتتالعان.

Abai.kz