ءوز كەزەگىندە اۋدان تۇرعىنى سپورت مەكتەپتەرىن جاڭعىرتۋ ماسەلەسىن قوزعادى.

– سپورتتاعى دارىندى بالالارعا ارنالعان مامانداندىرىلعان مەكتەپ-ينتەرنات-كوللەدجىنىڭ اتا-انالارىنىڭ اتىنان كەلىپ تۇرمىن. سپورتتا جەتىستىككە جەتۋ ءۇشىن وعان جاعداي جاساۋ كەرەك ەكەنى ەشكىمگە جاسىرىن ەمەس. ءبىز مەكتەپ-ينتەرناتىنا رەكونسترۋكتسيا جاساۋدى وتىنەمىز. ويتكەنى مەكتەپ كىشكەنتاي، ورىن تاپشى، - دەدى تۇرعىن.

الماتى قالاسىنىڭ اكىمى 2025-2027 جىلدارى سپورت مەكتەپتەرى مودەرنيزاتسيالاناتىنىن اتاپ ءوتتى.

– الماتىدا سوڭعى 2 جىلدا بۇل ماسەلەگە ەرەكشە كوڭىل بولە باستادىق. بولاشاق چەمپيوندارىمىز ءۇشىن جاقسى جاعداي جاسالعانىن قالايمىز. ءبىزدىڭ دارىندى بالالارعا سپورت مەكتەپتەرىنە ءبىر كەزدەرى ءتيىستى نازار اۋدارىلماعان. الداعى 3 جىلدا 2025-2027 جىلدارى ءبىز ءسىزدىڭ مەكتەپتى عانا ەمەس، بارلىق سپورت مەكتەبىن جاڭارتامىز. وتكەن جىلدان باستاپ ءبىز قارجىلاندىرۋدى كوبەيتتىك. چەمپيوندار ءبىر ساتتە پايدا بولمايدى، بارلىعى مەكتەپتەن باستالادى. سوندىقتان بۇل ءبىز ءۇشىن ماڭىزدى باعىتتاردىڭ ءبىرى، - دەدى ەربولات دوساەۆ.