«... ورىن العان وقيعانىڭ باستى سەبەپتەرىنىڭ ءبىرى – يدەولوگيالىق جۇمىسىمىزدىڭ دارمەنسىزدىگى. مىسال رەتىندە ۇلت ءتىلىنىڭ تاربيەلىك كۇشى تۋرالى ماسەلەنى الايىق. ءبىز، قوعامتانۋشى عالىمدار، قازاق تىلىندە جازبايمىز، جاستاردىڭ الدىندا قازاق تىلىندە سويلەمەيمىز، ءدارىس وقىمايمىز. ال مۇنىڭ ءوزى – ءبىز ولاردىڭ اقىل-ويى مەن كوڭىل-كۇيىنە ىقپال ەتە المايمىز دەگەن ءسوز. ويتكەنى ءبىزدىڭ ورىس تىلىندە ايتقان سوزدەرىمىز ولاردىڭ جۇرەگىنە ءاردايىم جول تابا بەرمەيدى. مۇنىڭ ءوزى نەنى كورسەتەدى؟ ءبىزدىڭ بارلىق  دەڭگەيدەگى قىزمەتكەرلەرىمىزدىڭ بويىنداعى  قىرسىق شالعان شاراسىزدىقتى كورسەتەدى. مەن قازاقستان كومپارتياسى ورتالىق كوميتەتى بيۋرو مۇشەلەرىنىڭ بىردە-بىرەۋىنىڭ قازاق جاستارى اراسىندا قازاقشا ءسوز سويلەگەنىن كورگەن دە، ەستىگەن دە ەمەسپىن».

رەداكتسيادان:

«... ورىن العان وقيعانىڭ باستى سەبەپتەرىنىڭ ءبىرى – يدەولوگيالىق جۇمىسىمىزدىڭ دارمەنسىزدىگى. مىسال رەتىندە ۇلت ءتىلىنىڭ تاربيەلىك كۇشى تۋرالى ماسەلەنى الايىق. ءبىز، قوعامتانۋشى عالىمدار، قازاق تىلىندە جازبايمىز، جاستاردىڭ الدىندا قازاق تىلىندە سويلەمەيمىز، ءدارىس وقىمايمىز. ال مۇنىڭ ءوزى – ءبىز ولاردىڭ اقىل-ويى مەن كوڭىل-كۇيىنە ىقپال ەتە المايمىز دەگەن ءسوز. ويتكەنى ءبىزدىڭ ورىس تىلىندە ايتقان سوزدەرىمىز ولاردىڭ جۇرەگىنە ءاردايىم جول تابا بەرمەيدى. مۇنىڭ ءوزى نەنى كورسەتەدى؟ ءبىزدىڭ بارلىق  دەڭگەيدەگى قىزمەتكەرلەرىمىزدىڭ بويىنداعى  قىرسىق شالعان شاراسىزدىقتى كورسەتەدى. مەن قازاقستان كومپارتياسى ورتالىق كوميتەتى بيۋرو مۇشەلەرىنىڭ بىردە-بىرەۋىنىڭ قازاق جاستارى اراسىندا قازاقشا ءسوز سويلەگەنىن كورگەن دە، ەستىگەن دە ەمەسپىن».

رەداكتسيادان:

بۇل- اكادەميك سالىق زيمانوۆتىڭ 1986 جىلى 24 جەلتوقساندا عىلىم اكادەمياسىندا ايتقان ءسوزى. اكادەميا شاڭىراعىنا سول كۇنى سوكپ ورتالىق كوميتەتى ساياسي بيۋروسىنىڭ مۇشەسى سولومەنتسەۆ دەگەن كەلىپ جيىن اشىپ، الگى جيىنعا كولبين باستاعان قازاق رەسپۋبليكاسىنداعى كوممۋنيست باسشىلار قاتىسادى. سونداي جانالعىش، جالاڭقىلىشتىلار تىزە بىرىكتىرىپ جالپى قازاق حالقىن رەپرەسسيالاۋدىڭ قامىنا كىرىسكەن كەزدە قاھارمان سالىق زيمانوۆ وسىلاي دەگەن ەكەن. ال قازىر شە؟ ازاتتىق پەن اشىقتىق دارىپتەلىپ جاتقان زاماندا «قازاق قازاقپەن قازاقشا سويلەسسىن» دەپ قويىپ مەملەكەتتىك دەڭگەيدەگى جيىننىڭ ءبارىن ورىس تىلىندە جۇرگىزەتىن قازاق باسشىسىنا بىرەۋ زيمانوۆتىڭ سوزىنە ۇقساس بىردەڭە دەي الا ما؟ قايبىر جىلى جۇزبە ءجۇز كەزدەسكەن كەزىندە سماعۇل ەلۋبايدىڭ زيالى قاۋىمنىڭ ورتاسىندا وتىرىپ ەلباسىنا قازاق ءتىلىنىڭ ءحالىن بازىنا قىلىپ بىلدىرگەنى ەسىمىزدە. وكىنىشكە قاراي جازۋشى سماعۇل مىرزانى قولداپ پىكىر قوسقان جاندى ءبىز الگى باسقوسۋدان بايقامادىق. مۇحتار شاحانوۆ ءتىل ءۇشىن شىر-پىر بولىپ ءجۇر. الايدا ول كىسى ءۇشىن ۇلىق جيىندارعا قاتىسىپ ءسوز سويلەۋدىڭ مۇمكىندىگى شەكتەلگەن. قىسقاسى،   «بارلىق  دەڭگەيدەگى قىزمەتكەرلەرىمىزدىڭ بويىنداعى  قىرسىق شالعان شاراسىزدىققا» شاراسىزدىق تانىتۋ بۇگىنگى قازاقتىڭ  ماڭدايىنداعى تاۋقىمەت تاڭباسىنا اينالىپ بارادى.

Abai.kz