عىلىم مەن بىلىمگە سۇرانىستى مەملەكەتتىڭ ءوندىرىس ساياساتى تۋدىرادى. قازىر، مەملەكەت وندىرىسپەن اينالىسۋدا. بىراق، ونىڭ "عىلىمي پوتەنتسيالى" تۋرالى ماسەلەنى كوتەرە الماي وتىر. ءبىلىمدى جاستار شەت ەل اسىپ كەتۋدە. ويتكەنى، ولاردىڭ ءبىلىم پوتەنتسيالىن جۇزەگە اسىراتىن وندىرىستىك پوتەنتسيال دامىماعان.

ال، ءدىن بولسا، "ستراتەگيالىق تۇرعىدان" ارەكەت ەتۋدە. ءدىن، ەندى، مەكتەپكە ەنىپ، وزىنە "تۇراقتى جاماعاتتى" قامتاماسىز ەتۋدى قولعا الماقشى. ال، جاماعات ءدىندى ماتەريالدىق جانە ادامي تۇرعىدا قامتاماسىز ەتۋشى كۇش. ولاي بولسا، ءدىن "مەكتەپكە كىرۋ" ارقىلى، "جاستاردىڭ عىلىم مەن بىلىمگە تولىق كەتىپ قالماۋى" ءۇشىن جۇمىس جاسايدى.

سەبەبى، عىلىم ءدىن دوگماسىن تەرىستەۋشى، نە، ونى جوققا شىعارۋشى بىردەن ءبىر تەتىك.

عىلىمعا بوي ۇرعان بالا "جاماعاتي فاناتيزمگە" بوي ۇرمايدى.

ول، مەشىتتىڭ "جاماعاتي تابىسىنا" تىكەلەي كەرى اسەر ەتەدى. يمامداردىڭ ماقساتى وسىنىڭ الدىن الۋ!

ۇكىمەت بولسا "گرانتتاردى كوبەيتتىك" دەپ، ۇيىقتاپ جاتىر.

ۇكىمەت (مەملەكەت) ءوزىنىڭ بولاشاق "ادامي كاپيتالى" ءۇشىن كۇرەسپەي وتىر.

جاستاردى دىننەن قورعاماي وتىر.

ياعني، جاستاردىڭ ساناسى ءدىني دوگمامەن شىرمالىپ قالۋى مۇمكىن ەكەنىنە نازار اۋدارماي وتىر.

الدە، ءبىزدىڭ ۇكىمەت ءدىندى "عىلىمنىڭ اجىراماس بولىگى", نە "كومپونەنتى" ساناي ما؟

وندا، ۇكىمەتتىڭ ءوزى دە "اۋعان سيندرومىمەن" اۋىراتىن ەمەس پە ەكەن؟

ءابدىراشيت باكىرۇلى

Abai.kz