دۇنيەجۇزىلىك كوشپەندىلەر ويىندارىنىڭ جاڭعىرىعى بۇكىل الەمدى ءدۇر سىلكىندىردى. دۇنيەنىڭ 89 ەلىنەن 2500-گە جۋىق سپورتشىلار ەتنوسپورتتىڭ بارلىق تۇرلەرىنەن باق سىناسادى.

ونىڭ كەڭ بايتاق قازاق جەرىندە وتكىزىلگەنى ايتۋلى وقيعا. ويتكەنى اتا-بابانىڭ قونىسى، اتا جۇرت - قازاق ەلى تۇركى حالىقتارىنىڭ قارا شاڭىراعى ىسپەتتى. كوشپەندىلەر ويىندارى — ەجەلگى كوشپەندى حالىقتاردىڭ ءداستۇرلى سپورت تۇرلەرىن جانداندىرۋ، الەمگە ناسيحاتتاۋ ماقساتىندا ۇيىمداستىرىلاتىن ءىرى حالىقارالىق سپورتتىق شارا. مۇندا الەمنىڭ بىرنەشە مەملەكەتتەرىنىڭ، سونداي-اق تۇركى تىلدەس ەلدىڭ باسشىلارىنىڭ بوي كورسەتۋى تۇركى حالىقتارىنىڭ بىرلىگىنە، ءتىلى مەن دىنىنە، ادەت-عۇرىپ، سالت-ءداستۇردىڭ ورتاق بولۋى شىنايى باۋىرماشىلىقتىڭ ايرىقشا كورىنىسى.

دۇنيەجۇزىلىك ەتنوسپورت كونفەدەراتسياسىنىڭ پرەزيدەنتى ءبىلال ەردوعاننىڭ جەتەكشىلىگىندەگى تۇركيا دەلەگاتسياسىنىڭ قۇرامىندا قازاق دياسپوراسىنىڭ كورنەكتى وكىلى، ستامبۋلدا تۋىپ وسكەن بەلسەندى قازاق قىزى، ادىلەت جانە دامۋ پارتياسى (Ak) القا مۇشەسى، دوكتور راشيدا زەينەشقىزى يۋكسەل حانىم دا بار.

«اتا جۇرت - قازاقستانعا انادولى ەلىنەن تۇركياداعى قازاق قانداستارىمىزدىڭ ىستىق سالەمىن جەتكىزەمىن، بۇل قازاقستانعا دەگەن، تۇرىك دۇنيەسىنە دەگەن شەكسىز قۇرمەتى»، - دەدى راشيدا زەينەشقىزى. كوشپەندىلەر ويىنىن تۇركيانىڭ باق وكىلدەرى، تەلەراديو كومپانياسى تىكەلەي ەفيردەن كورسەتىپ جاتتى.

بۇل شاراعا وسىدان 5 اي بۇرىن ازىرلىك باستالعان ەدى. تۇركيانىڭ بارلىق قالالارىندا ستامبۋلداعى ەۋروپا باعىتىنداعى «ە-5» جول بويىندا ورنالاسقان قازاقستان مادەنيەت جانە ساۋدا ورتالىعىنىڭ عيماراتىندا (8ح8 مەتر) كوشپەندىلەردىڭ سۋرەتى سالىنعان ۇلكەن بيلبورد ىلىنگەن. توعىز جولدىڭ تورابى ە-5 اۆتوكولىك جولىندا تاۋلىك سايىن 3 ميلليونعا جۋىق حالىق ءوز جەكە كولىكتەرىمەن ءجۇرىپ وتەدى. ياعني اتا جۇرت قازاقستانداعى شارانى ناسيحاتتاۋدىڭ ءبىر جولى بولىپ تابىلادى. كوشپەندىلەردىڭ ءداستۇرى ۇرپاقتان ۇرپاققا جالعاسادى، ءومىر ساباقتاستىعى. ەندەشە، ءححى عاسىر تۇركى دۇنيەسىنىڭ عاسىرى ماڭگى جاسايدى. العا، ۇلى دالا باھادۇرلەرى!

ەرجان ءۋايىس،

قازاقستاننىڭ ەڭبەك سىڭىرگەن قايراتكەرى

Abai.kz