قازاقستان پرەزيدەنتى قاسىم-جومارت توقاەۆ ەلدىڭ 2020-2030 جىلدارعا ارنالعان سىرتقى ساياسات كونتسەپتسياسىن وزگەرتتى.

قۇجاتتان ەلدىڭ ءبىرىنشى پرەزيدەنتى نۇرسۇلتان نازارباەۆ جايلى تۇستار الىنىپ تاستالدى. بۇعان "اقجايىق" سايتى نازار اۋدارعان.

كونتسەپتسيانىڭ بۇرىنعى نۇسقاسىندا «ەل دامۋىنىڭ جاڭا كەزەڭىندەگى قازاقستان رەسپۋبليكاسىنىڭ تۇڭعىش پرەزيدەنتى – ەلباسى ن.ءا. نازارباەۆتىڭ سىرتقى ساياسي باعىتىنىڭ ساباقتاستىعى» ەلدىڭ سىرتقى ساياساتىنداعى نەگىزگى قاعيداتتىڭ ءبىرى بولعان ەدى. ال جاڭا نۇسقادا "ەل دامۋىنىڭ جاڭا كەزەڭىندە سىرتقى ساياسي باعىتتىڭ ساباقتاستىعى" دەپ جازىلعان.

بۇعان قوسا، نازارباەۆتىڭ سىرتقى ساياسات بويىنشا حالىققا مالىمدەمە جاساۋ قۇقىعى دا الىنىپ تاستالعان. بۇرىنعى قۇجاتتا ء"بىرىنشى پرەزيدەنت – ەلباسى" كونستيتۋتسيالىق زاڭىنا ساي، قازاقستاننىڭ ءبىرىنشى پرەزيدەنتى – ەلباسى سىرتقى ساياسات بويىنشا ماڭىزدى سۇراقتاردا حالىققا، مەملەكەتتىك ورگاندارعا جانە لاۋازىمدى تۇلعالارعا قايىرىلىپ، باستاما كوتەرۋگە ءومىر بويىنا قۇقىلى" دەپ جازىلعان ەدى.

238 ادامنىڭ ءومىرىن قيعان قاڭتار وقيعاسىنان سوڭ نازارباەۆ پەن ونىڭ اينالاسىنداعىلاردىڭ ىقپالى السىرەدى. نازارباەۆ قاۋىپسىزدىك كەڭەسىن ءومىر بويىنا باسقارۋ وكىلەتىنەن ايىرىلدى. ء"بىرىنشى پرەزيدەنت – ەلباسى" زاڭى كۇشىن جويدى.

دەرەككوزى: ازاتتىق راديوسى

Abai.kz