«AMANAT» پارتياسى دەپۋتاتتىق فراكتسياسىنىڭ مۇشەسى، ءماجىلىس دەپۋتاتى  سامات نۇرتازا دامۋىندا اۋىتقۋلارى جانە ونىڭ تۋىنداۋ قاۋپى بار ءسابي جاستاعى بالالار ءۇشىن ەرتە ارالاسۋ ورتالىقتارىن قۇرۋ جانە «قامقورلىق» باستاماسى اياسىندا اۋداندىق دەڭگەيدە وڭالتۋ ورتالىقتارىن اشۋدى ورىنداۋ مەرزىمىن بۇزۋعا جول بەرگەن ادامداردى جەكە جاۋاپقا تارتۋدى سۇرادى.

دەپۋتات قازاقستان رەسپۋبليكاسى پرەمەر-ءمينيسترىنىڭ ورىنباسارى تامارا دۇيسەنوۆاعا جولداعان دەپۋتاتتىق ساۋالىندا وسىلاي ءمالىم ەتتى.

«مەملەكەت باسشىسى ق.توقاەۆتىڭ 2022 جىلعى 1 قىركۇيەكتەگى «ادىلەتتى مەملەكەت. ءبىرتۇتاس ۇلت. بەرەكەلى قوعام» اتتى قازاقستان حالقىنا جولداۋىندا پرەزيدەنت «ۇلتتىق جوبا اياسىندا 32 اۋداندىق اۋرۋحانا زامانعا ساي جاڭارىپ، ەندى اۋدانارالىق كوپبەيىندى مەكەمەگە اينالادى. وندا ينسۋلتتەن ەمدەۋ ورتالىقتارى، حيرۋرگيا، جانساقتاۋ جانە وڭالتۋ بولىمدەرى اشىلادى. بۇل ءتورت ميلليوننان استام ادامعا كورسەتىلەتىن مەديتسينالىق قىزمەتتىڭ ساپاسىن ارتتىرادى» دەپ اتاپ وتكەنىن دەپۋتات ەسكە سالدى.

«اكىمدىكتەر تاپسىرمانىڭ ورىندالماعانىنا اقتالىپ، ەلىمىزدە بولعان سۋ تاسقىنىن سىلتاۋ ەتەدى. الايدا سۋ تاسقىنى بيىل بولدى، ال تاپسىرمانىڭ ورىندالۋ مەرزىمى، تاعى دا قايتالاپ ايتامىن، بىلتىر اياقتالۋعا ءتيىس ەدى. «قامقورلىق» باستاماسى اياسىندا اۋداندىق دەڭگەيدە وڭالتۋ ورتالىقتارىن اشۋ بويىنشا دا جاعداي وسىنداي – 17 وڭىرلىك جوبانىڭ ىشىندە قازىرگى ۋاقىتتا تەك 5 وبلىستا جوندەۋ جۇمىستارى جۇرگىزىلىپ جاتىر. شامامەن اشىلۋى بيىلعى جىلدىڭ 4-توقسانىنا جوسپارلانعان، ال قالعان 12 وبلىستا اشىلۋ كەلەسى جىلعا جوسپارلانىپ وتىر. ورىندالماۋىنىڭ سەبەبى رەتىندە ەلدەگى سۋ تاسقىنى جاعدايى ايتىلادى»، - دەدى سامات نۇرتازا.

Abai.kz