توتەنشە جاعدايلار ءمينيسترى شىڭعىس ءارىنوۆ شەتەلدەن قانداي تىكۇشاقتار ساتىپ الىناتىنىن ايتتى، دەپ حابارلايدى Halyq Uni تىلشىسى.

ونىڭ ايتۋىنشا، بولاشاقتا 20 وڭىردە 20 اۆياجاساق قۇرىلادى دەپ جوسپارلانىپ وتىر.

ناتيجەسىندە قاۋىپسىزدىك قامتاماسىز ەتىلەدى، كادرلار دايارلانادى. جاس ماماندار ۇشقىش ماماندىعىن مەڭگەرەدى، - دەدى شىڭعىس ءارىنوۆ ۇكىمەتتىڭ ءباسپاسوز ورتالىعىندا.

مينيستر ليزينگ ارقىلى تىكۇشاقتار ساتىپ الۋ جوسپاردا بارىن جەتكىزدى.

قازىر ءبىز ليزينگ ارقىلى 3 مي-8 امت تىكۇشاعىن جانە 4 كا-32 تىكۇشاعىن الامىز. وسىلايشا، تاۋەلسىز قازاقستان تاريحىندا ءبىرىنشى رەت L-410 اتتى 4 چەحيا ۇشاعىن ساتىپ الۋدى جوسپارلاپ وتىرمىز. ولاردى باتىس، شىعىس، سولتۇستىك جانە وڭتۇستىككە قويامىز. سونىڭ ارقاسىندا تاپسىرمالاردى ورىندايمىز دەپ ويلايمىن. ناتيجەسىندە دەڭگەيىمىز وسەدى، - دەدى ۆەدومستۆو باسشىسى.

الايدا مينيستر ۇشاق پەن تىكۇشاقتى ساتىپ الۋعا جالپى قانشا سوما قاراستىرىلعانىن ناقتىلامادى.

ايتا كەتەيىك، بۇعان دەيىن ەلدەگى سۋ تاسقىنىنان كەيىن ۇشقىشتار اۋا رايى قولايسىز كەزدە دە ۇشىپ ۇيرەنەتىنى ايتىلدى.

Abai.kz