اەس سالۋدى قولداۋ جونىندەگى حالىقتىق شتاب مۇشەلەرى ماڭعىستاۋ وبلىسىندا بولدى. مۇندا ولار مۇنايشىلارمەن، ءوڭىر جۇرتشىلىعى وكىلدەرىمەن بىرقاتار كەزدەسۋ وتكىزىپ، سەنەك اۋىلىنىڭ تۇرعىندارىمەن ايماقتى دامىتۋ پەرسپەكتيۆالارىن تالقىلادى.

اقتاۋدا حالىقتىق شتاب مۇشەلەرى «ماڭعىستاۋمۇنايگاز» اق قىزمەتكەرلەرىمەن جۇزدەستى. ءىس-شاراعا 150-دەن استام ادام قاتىستى. اڭگىمەلەسۋ بارىسىندا مەملەكەت باسشىسى ەڭبەك ادامىنا ايرىقشا باسىمدىق بەرەتىنى، ولاردىڭ اراسىندا ەل دامۋىنا ولشەۋسىز ۇلەس قوسىپ كەلە جاتقان مۇناي-گاز سالاسىنىڭ قىزمەتكەرلەرى ويىپ تۇرىپ ورىن الاتىنى ەرەكشە اتاپ ءوتىلدى. سونىمەن قاتار، شتاب مۇشەلەرى پرەزيدەنت باستاماسىمەن كونستيتۋتسياعا تۇزەتۋلەر ەنگىزىلگەنىن، سوعان سايكەس جەر مەن ونىڭ قويناۋىنداعى قازبا بايلىق حالىققا تيەسىلى ەكەنىن ەسكە سالدى. پارلامەنت دەپۋتاتتارى جەر قويناۋىن پايدالانۋ تۋرالى جاڭا زاڭ قابىلدادى. ەندى ەلىمىزدە جاڭادان اشىلعان بارلىق ءىرى كەن ورىندارى ۇلتتىق كومپانيالاردىڭ  50% جانە ودان جوعارى ۇلەسىمەن يگەرىلۋگە ءتيىس. سونداي-اق، جەر قويناۋىن پايدالانۋشى بارلىق كومپانيا ەندى قازبا بايلىعى ازايىپ بارا جاتقان كەن ورىندارىندا جۇمىس جۇرگىزۋدى جالعاستىرۋعا نەمەسە ورنالاسقان ايماقتى دامىتۋعا قاراجات قۇيۋعا مىندەتتى. سونىڭ ناتيجەسىندە، «وزەنمۇنايگاز» جانە «ماڭعىستاۋمۇنايگاز» كومپانيالارىندا مىڭداعان جۇمىس ورنى ساقتالادى.

«6 قازاندا رەفەرەندۋم وتەتىنىن بىلەسىزدەر. پرەزيدەنت بيىلعى جولداۋىندا اەس سالۋ بويىنشا تاڭداۋدى حالىقتىڭ ءوزى جاساۋعا ءتيىس ەكەنىن باسا ايتتى. بۇل – مەملەكەت باسشىسىنىڭ بۇلجىماس ۇستانىمى. قازىر ەلدەگى ەڭ ماڭىزدى شەشىمدەردىڭ بارلىعى دا حالىقتىڭ تالقىسىنا سالىنادى. بۇل قوعامدا جاڭا ساياسي مادەنيەت قالىپتاسقانىن كورسەتەدى. قازاقستاننىڭ ءار ازاماتى ەل تاعدىرى الدىنداعى جاۋاپكەرشىلىكتى سەزىنۋى قاجەت», – دەدى ءماجىلىس دەپۋتاتى، «AMANAT» پارتياسى فراكتسياسىنىڭ جەتەكشىسى ەلنۇر بەيسەنباەۆ.

سونىمەن قاتار، اەس سالۋدى قولداۋ جونىندەگى حالىقتىق شتاب مۇشەلەرى ايماقتاعى ەڭ وزەكتى ماسەلەنىڭ بىرىنە – اۋىز سۋ تاپشىلىعىنا توقتالدى. ماسەلەن، بيىل فورت-شەۆچەنكوداعى سۋ تازارتۋ قۇبىرى ستانتسياسىنىڭ قۇرىلىسىن اياقتاۋعا 2,5 ملرد تەڭگە ءبولىندى. سونداي-اق، 2025 جىلعا قاراي «كەندىرلى» كۋرورتتىق ايماعىندا جاڭا سۋ تۇششىتۋ زاۋىتى سالىنادى. «كاسپي» سۋ تۇششىتۋ زاۋىتىن كەڭەيتۋ جۇمىسى جالعاسۋدا. بۇل ماڭىزدى جوبالار تۇراقتى قۋات كوزىن قاجەت ەتەدى.

سەنەك اۋىلىندا اەس سالۋدى قولداۋ جونىندەگى حالىقتىق شتاب مۇشەلەرى جەرگىلىكتى تۇرعىندارمەن وڭىردەگى وزەكتى ماسەلەلەردى تالقىلادى. ياعني، اۋىلدا جاڭا جۇمىس ورىندارىن قۇرۋ، نەسيە الۋ، جاڭا ءوندىرىس ورىندارىن اشۋ جانە تاعى باسقا. مەملەكەت «اۋىل اماناتى» باعدارلاماسى اياسىندا اۋىل تۇرعىندارىنا جەكە كاسىپ اشۋ ءۇشىن 2,5%-دىق قوماقتى قاراجات بولەدى.

وسى كۇنى اەس سالۋدى قولداۋ جونىندەگى حالىقتىق شتاب مۇشەلەرى ماڭعىستاۋ وبلىسى جۇرتشىلىعىنىڭ وكىلدەرىمەن جانە وڭىردەگى بەلسەندى ازاماتتارمەن كەزدەستى. بۇگىندە اتالعان ءوڭىر ەڭ جوعارى جۇكتەمە كەزىندە شەتەلدەن ەلەكتر ەنەرگيا ساتىپ الادى. ەنەرگيا تاپشىلىعى جاڭا ءوندىرىس ورىندارىن اشۋ، جاڭا جۇمىس ورىندارىن قۇرۋ، كوممۋنالدىق ينفراقۇرىلىمدى دامىتۋ جۇمىسىن تەجەيدى. وسى تاپشىلىققا بايلانىستى كوپتەگەن پەرسپەكتيۆالى وندىرىستەر تەك قاعاز جۇزىندە قالۋدا. شتاب مۇشەلەرى اتاپ وتكەندەي، بۇگىندە ماڭعىستاۋدى ەلىمىزدىڭ بىرىڭعاي ەنەرگيا جۇيەسىنە قوسۋ جۇمىسى جۇرگىزىلۋدە.

جالپى ماڭعىستاۋلىقتار الداعى رەفەرەندۋمعا بەلسەندى قاتىسۋعا نيەت ءبىلدىردى.

حالىقتىق شتابتىڭ ءباسپاسوز قىزمەتى

Abai.kz