ۇكىمەت ساعاتىندا ءماجىلىس دەپۋتاتى دانيا ەسپاەۆا جۇمىسسىز جاستاردىڭ جاعدايى جايلى ايتتى، دەپ جازدى BAQ.KZ.

– ەرەكشە الاڭداۋشىلىق تۋدىراتىن – جاستاردىڭ جۇمىسسىزدىعى. بۇل پروبلەما ەڭبەك نارىعىنا جاستاردىڭ جىل سايىنعى 300 مىڭنان استام بولجامدى اعىنى ەسەبىنەن قيىندايتىن بولادى. پروبلەمالار ءبىلىم بەرۋ جۇيەسىنەن ەڭبەك نارىعىنا كوشۋ ساتىسىندا باستالادى، مۇندا جاستار ءبىلىم بەرۋ ارقىلى نە ءوز داعدىلارىن جەتىلدىرە المايدى، نە جۇمىسقا ورنالاسۋ ارقىلى تاجىريبە دە جيناي المايدى، - دەپ ايتتى دانيا ەسپاەۆا ۇكىمەت ساعاتىندا.

دەپۋتات اتاپ وتكەندەي، ەلىمىزدىڭ كادرلىق الەۋەتىن ارتتىرۋ ءۇشىن مەملەكەت جىل سايىن جوعارى وقۋ ورىندارى مەن كوللەدجدەردە تەگىن وقۋ ءۇشىن گرانتتار بەرەدى. بيىل جوعارعى وقۋ ورىندارى – شامامەن 74 مىڭ، ال كوللەدجدەر 143 مىڭ جاڭا ستۋدەنتتى قابىلدادى. ونىڭ سوزىنشە، الايدا، وقۋدى اياقتاعانداردىڭ بارلىعىن جۇمىسقا ورنالاستىرۋ ۇلكەن الاڭداۋشىلىق تۋعىزادى.

– ايتالىق، 2023 جىلى ماماندىعى بويىنشا كوللەدج تۇلەكتەرىنىڭ 40%-ى جۇمىسقا ورنالاستىرىلدى. بۇل رەتتە، وكىنىشكە قاراي، مەملەكەتتىك ورگاندار جوعارى وقۋ ورىندارىنىڭ بارلىق تۇلەگىنىڭ جۇمىسقا ورنالاسۋىنىڭ ناقتى جاعدايىمەن تانىس ەمەس. بۇل تۇلەكتەردىڭ جۇمىسسىزدار قاتارىن تولىقتىرۋىنا نەمەسە كەز كەلگەن جەردە جۇمىس ىستەي بەرۋىنە الىپ كەلەدى. ولاردىڭ ءبىر بولىگى مەملەكەتتىك قولداۋعا قايتا جۇگىنۋگە ءماجبۇر، وعان تاعى دا بيۋدجەت قاراجاتى جۇمسالادى، - دەپ ءتۇسىندىردى دانيا ەسپاەۆا ۇكىمەت ساعاتىندا.

Abai.kz