ەڭبەك جانە الەۋمەتتىك قورعاۋ ءمينيسترى سۆەتلانا جاقىپوۆا زەينەتكەرلەرگە قاتىستى ايتقان مالىمدەمەسىن جوققا شىعاردى.
باق بەتتەرىندە “جۇمىس ىستەيتىن زەينەت جاسىنداعى ادامدار زەينەتاقىدان قاعىلۋى مۇمكىن” دەگەن اقپارات تاراعان بولاتىن.
ساراپشىلاردىڭ ايتقان بۇل ۇسىنىسى قازىرگى زەينەتاقىسىن الىپ وتىرعان ازاماتتارعا ەشقانداي قاتىسى جوق. بۇعان دەيىن قالاي زەينەتاقىسىن الىپ، جۇمىسىن ىستەدى، سولاي ءارى قاراي دا جۇرە بەرەدى. ۇكىمەتپەن كەلىسىلگەن ەشقانداي زاڭ جوباسى جوق. باق وكىلدەرى “زەينەتاقى جۇيەسىندە رەفورما بولا ما” دەپ سۇراق قويعان كەزدە سىزدەرگە الداعى 2 جىلدا رەفورمالار قاراستىرىلماعانىن ايتتىم، - دەدى جاقىپوۆا.
جاقىپوۆا ارنايى ساراپشىلاردىڭ بولجامى ارقىلى ەڭبەك نارىعىن زەرتتەپ وتىرعانىن ايتتى.
بيىلدىڭ وزىندە ەڭبەك نارىعىندا جۇمىسسىز جۇرگەن 300 مىڭ جاس بار. ولاردى جۇمىسپەن قامتۋ كەرەك. سوندىقتان ساراپشىلار ۇسىنىستار (ەسك - زەينەتكەرلەرگە قاتىستى) بەرىپ وتىر، - دەدى ەڭبەك ءمينيسترى.
سونداي-اق مينيستر اقپاراتتى دۇرىس جەتكىزبەگەن جۋرناليستەردى ايىپتادى.
جۋرناليستەر تەك ءبىر ءسوزدى جۇلىپ الىپ، “حايپ” جاسادى. كەيىن قوعامدى دۇرلىكتىردى. وتىنەمىن، اقپاراتتى دۇرىس جەتكىزىڭىزدەرشى، - دەيدى مينيستر.

Abai.kz