وتكەن اپتانىڭ بەيسەنبى-جۇما كۇندەرى ەل ارالاپ، جامبىل وبلىسى جاققا بارىپ، الماتىدا تۇراتىنداردىڭ اقپارات الۋدا اۋىلداعىلاردان اناعۇرلىم ارتتا قالىپ، «الما TV» مەن كۇندىز-ءتۇنى كۇن كوسەمدى ۇلىقتاۋدان وزگەنى بىلمەيتىن مەملكەتتىك كانالدارعا عانا بايلانىپ، بەيشارا كۇن كەشىپ وتىرعانىن ۇعىنىپ جانە ءبىزدىڭ بيلىكتىڭ «اۋىلداعىنىڭ اۋزى ساسىق» دەپ مەنسىنبەي، شەكەسىنەن قاراپ  ءجۇرىپ، قانداي قاتەلىك جىبەرىپ قويعانىن كورىپ، ءبىرتۇرلى جۇدەپ قايتتىم. انا كىسىگە جاعىنۋدان وزگەنى بىلمەيتىن اناليتيك-سىماقتاردى عانا تىڭداعان اقوردا «بىردەڭە شىقسا - وسىلاردان شىعادى» دەپ قالاداعى جۇرتتى قاۋجاپ،  ەكى-ءۇش ادامعا ءبىر تىڭشىدان بەلگىلەپ ءجۇرىپ، اۋىلداعىلاردىڭ اۋاجايىلىپ بارا جاتقانىن بايقاماي قالىپ، بارماق شاينايتىن جاعدايعا جەتكەن ەكەن!

الگى، سۋ ىشكەن قۇدىعىنا تۇكىرىپ، شيرەك عاسىر قۇشقان جارىن بالالارىمەن بىرگە تاستاي قاشقان جامان كۇيەۋ راحات اليەۆتىڭ بىلايعى جۇرت بۇرىننان بىلەتىن جاعداياتتاردى تىزبەلەپ شىققان كىتاپ-سىماعىن وقىتپايمىز دەپ الاشاپقىن بولعان قۇقىق قورعاۋ ورگاندارىنىڭ ارەكەتىن دالباسا دەمەسكە امال كەم. وزگەسىن ايتپاعاندا، «وقىساڭدار - سوتتايمىز!» دەپ قوقان-لوقى كورسەتكەن جوق پا؟ قىراعى ساقشىلارىمىزدىڭ قىرعىزدىڭ «دوردوي» بازارىنان تاۋار تاسىعان قاتىن-قالاشتىڭ قىتايلىق الا سۋمكاسىن اقتارىپ، كىتاپ ىزدەگەندەرىن قايتەيىك، ەل شىركىن اليەۆتىڭ نە ايتپاعىن شۇقشيىپ كىتاپ وقىماي-اق، جامباستاپ جاتىپ، تەلەديداردان تاماشالاپ وتىرعان جوق پا؟

وتكەن اپتانىڭ بەيسەنبى-جۇما كۇندەرى ەل ارالاپ، جامبىل وبلىسى جاققا بارىپ، الماتىدا تۇراتىنداردىڭ اقپارات الۋدا اۋىلداعىلاردان اناعۇرلىم ارتتا قالىپ، «الما TV» مەن كۇندىز-ءتۇنى كۇن كوسەمدى ۇلىقتاۋدان وزگەنى بىلمەيتىن مەملكەتتىك كانالدارعا عانا بايلانىپ، بەيشارا كۇن كەشىپ وتىرعانىن ۇعىنىپ جانە ءبىزدىڭ بيلىكتىڭ «اۋىلداعىنىڭ اۋزى ساسىق» دەپ مەنسىنبەي، شەكەسىنەن قاراپ  ءجۇرىپ، قانداي قاتەلىك جىبەرىپ قويعانىن كورىپ، ءبىرتۇرلى جۇدەپ قايتتىم. انا كىسىگە جاعىنۋدان وزگەنى بىلمەيتىن اناليتيك-سىماقتاردى عانا تىڭداعان اقوردا «بىردەڭە شىقسا - وسىلاردان شىعادى» دەپ قالاداعى جۇرتتى قاۋجاپ،  ەكى-ءۇش ادامعا ءبىر تىڭشىدان بەلگىلەپ ءجۇرىپ، اۋىلداعىلاردىڭ اۋاجايىلىپ بارا جاتقانىن بايقاماي قالىپ، بارماق شاينايتىن جاعدايعا جەتكەن ەكەن!

الگى، سۋ ىشكەن قۇدىعىنا تۇكىرىپ، شيرەك عاسىر قۇشقان جارىن بالالارىمەن بىرگە تاستاي قاشقان جامان كۇيەۋ راحات اليەۆتىڭ بىلايعى جۇرت بۇرىننان بىلەتىن جاعداياتتاردى تىزبەلەپ شىققان كىتاپ-سىماعىن وقىتپايمىز دەپ الاشاپقىن بولعان قۇقىق قورعاۋ ورگاندارىنىڭ ارەكەتىن دالباسا دەمەسكە امال كەم. وزگەسىن ايتپاعاندا، «وقىساڭدار - سوتتايمىز!» دەپ قوقان-لوقى كورسەتكەن جوق پا؟ قىراعى ساقشىلارىمىزدىڭ قىرعىزدىڭ «دوردوي» بازارىنان تاۋار تاسىعان قاتىن-قالاشتىڭ قىتايلىق الا سۋمكاسىن اقتارىپ، كىتاپ ىزدەگەندەرىن قايتەيىك، ەل شىركىن اليەۆتىڭ نە ايتپاعىن شۇقشيىپ كىتاپ وقىماي-اق، جامباستاپ جاتىپ، تەلەديداردان تاماشالاپ وتىرعان جوق پا؟

مىقتى بولسا، ءبىزدىڭ پروكۋرورلار اناۋ «ءابىلازوۆ اشىپتى» دەپ جۇرگەن «ك-پليۋس» دەگەن كانالدى نەگە جاۋىپ تاستامايدى؟!.

ماسقارا، وتكەن جۇما كۇنى اتالعان كانال تۋرا ەكى ساعات بويى راحاتتىڭ الەكساندر نارودەتسكي دەيتىن جۋرناليستكە بەرگەن سۇحباتىن كورسەتتى. وزگەلەر تۋرالى ايتا المايمىن، بىراق، مەن بارعان اۋىلداعى قاتىن-قالاش، شال-شاۋقاندى قويعاندا، بيۋدجەتتىك مەكەمەلەردە قىزمەت جاسايتىن نۇروتاندىقتاردىڭ ءوزى مال جايعالماي، اس ازىرلەنبەي قالعانىنا قاراماستان الگى كاززاپتىڭ ايتقاندارىن تىڭدادى. جاي عانا تىڭداپ قويعان جوق، ءاپ-اجەپتەۋىر سەنىپ، اناسىنا قاتىستى كوزىنە جاس الىپ تۇرىپ ايتقان سوزدەرىنە يلانىپ قالعانداي كورىندى ماعان. جالپى وسىناۋ «ك-پليۋس» دەگەن كانال ەفيرگە شىققالى ەكى ايعا جۋىق ۋاقىتتىڭ ىشىندە جۇرتتى ءبىراز «دۋالاپ» تاستاپتى. قاراپ تۇرسام، ك-ءپليۋستى كورگەندەردىڭ ايتاتىندارى «ەلدەگى وپپزيتسيا كوسەمدەرى ءبىر-بىرىمەن ىمىراعا كەلە الماي ىرىلداسىپ، سەندەردىڭ گازەتتەرىڭ سول ءوزارا تاجىكەلەسكەن اڭگىمەنى قاۋجاعاننان وزگە نە بىتىردىڭدەر؟ ال، مىنالار سەندەر اينالا قاشاتىن «قازاقگەيت» سياقتى تاقىرىپتاردى تالقىلاپ، ساياسي ساۋاتىمىزدى اشتى» دەگەنگە سايادى.

شاماسى، ەل ءىشىن «ك-پليۋس» اتتى كانالدىڭ الاتايداي ءبۇلدىرىپ، جۇرتتى باۋراپ الىپ بارا جاتقانىن  بەك ۇعىنعان اقوردالىقتار  «ۇلت كوشباسشىسى تۋرالى» زاڭ جوباسىن ۇسىنىپ، سايلاۋ اتاۋلىدان ساقتانۋدىڭ شاراسىنا كىرىسىپ كەتكەن بە دەيمىن...

دەرەك كوزى - «قازاقستان» اپتالىعى. «مەن نە كورمەدىم...

تەلەديداردان سوعىس كينونى دا كوردىم عوي» 17.09 09