قر حالىق ءارتىسى ماقپال ءجۇنىسوۆا قىزى مەرەيدى 1-سىنىپقا بەردى. ەستەرىڭىزدە بولسا، «قازاقستان» اپتالىعىنا بەرگەن سۇحباتىندا، ءانشى ازىرگە قىزىن قاي مەكتەپكە بەرەتىنىن «انىقتاي قويمادىم» دەپ، بىراق قاي مەكتەپ بولسا دا، «ايتەۋىر قازاق مەكتەبىنە بەرەمىن» دەگەن-ءدى. سول سوزىنەن اينىماعان ءانشى، قىزىن قازاق مەكتەبىنە بەرىپتى. مەرەي قازىر الماتىداعى ىبىراي التىنسارين اتىنداعى №159-مەكتەپ گيمنازياسىنىڭ 1 «ءا» سىنىبىندا وقىپ ءجۇر.

قر حالىق ءارتىسى ماقپال ءجۇنىسوۆا قىزى مەرەيدى 1-سىنىپقا بەردى. ەستەرىڭىزدە بولسا، «قازاقستان» اپتالىعىنا بەرگەن سۇحباتىندا، ءانشى ازىرگە قىزىن قاي مەكتەپكە بەرەتىنىن «انىقتاي قويمادىم» دەپ، بىراق قاي مەكتەپ بولسا دا، «ايتەۋىر قازاق مەكتەبىنە بەرەمىن» دەگەن-ءدى. سول سوزىنەن اينىماعان ءانشى، قىزىن قازاق مەكتەبىنە بەرىپتى. مەرەي قازىر الماتىداعى ىبىراي التىنسارين اتىنداعى №159-مەكتەپ گيمنازياسىنىڭ 1 «ءا» سىنىبىندا وقىپ ءجۇر.

الماتىداعى ەڭ ۇزدىك ءبىلىم بەرەتىن وقۋ ورداسىنىڭ تابالدىرىعىن بيىل 120 ءبۇلدىرشىن اتتاپتى. ولاردىڭ اراسىندا قر حالىق ارتىستەرى ماقپال ءجۇنىسوۆانىڭ قىزى مەرەي مەن روزا باعلانوۆانىڭ نەمەرەسى مارجان دا بار. نەمەرەسى مارجاندى 1-سىنىپقا بەرگەن روزا اپامىز سالتاناتتى جيىندى ءوزىنىڭ اق باتاسىمەن اشىپ، العاشقى قوڭىراۋدى تانىمال تۇلعالاردىڭ ۇرپاقتارى سوقتى. ماكپال ءجۇنىسوۆانىڭ ايتۋىنا قاراعاندا، مەرەي وتە زەرەك. ول ءتورت جاسىندا-اق 42 ءارىپتى جاتقا ءبىلىپ، 100-گە دەيىن ساناۋدى مەڭگەرگەن. بيىل جەتىگە تولعان ءبۇلدىرشىن اكەسى زامانبەك قالابايۇلىنىڭ ولەڭدەرىن جاتقا وقيدى ەكەن. جان-جاقتى بولىپ ءوسىپ كەلە جاتقان مەرەي بيمەن اينالىسىپ، وزگە تىلدەردى مەڭگەرىپ، پيانينودا ويناۋدى ۇيرەنىپ ءجۇر. ءانشىنىڭ ءوزى: «قىزىمنىڭ قابىلەتى بارشىلىق. ءوزىن-ءوزى كورسەتەدى دەپ ويلايمىن. ونى دامىتاتىن وسىنداعى مۇعالىمدەر عوي»، - دەيدى. ال، ىبىراي التىنسارين اتىنداعى №159-گيمنازيانىڭ ديرەكتورى اياگۇل ميرازوۆا: «ءبىزدىڭ گيمنازيادا وقيتىنداردىڭ ءبىرازى تانىمال ادامداردىڭ بالالارى ەكەنى راس. بىراق تالاپ بارشاعا بىردەي. ەشكىمدى ءبولىپ جارۋ دەگەن جوق. بارلىعىنا بىردەي ءبىلىم بەرىلىپ، بىردەي كوزقاراس بولادى»، - دەگەندى ايتادى.

«قازاقستان» اپتالىعى، №32 (272), 10-قىركۇيەك، 2009