جۇمىسسىز جاستار ازايدى
15-34 جاس ارالىعىنداعى NEET ساناتىنا جاتاتىن جاستاردىڭ ۇلەسى (جۇمىس ىستەمەيتىن جانە وقىمايتىن جاستاردىڭ جالپى جاستار سانىنا % ۇلەسى) 2024 جىلدىڭ III توقسانىندا 6,4% (345,5 مىڭ ادام) قۇرادى.
وتكەن جىلدىڭ ءدال وسى توقسانىندا بۇل كورسەتكىش 7,1% (381,7 مىڭ ادام) بولعان. بۇل تۋرالى ۇلتتىق ستاتيستيكا بيۋروسى مالىمدەدى.
NEET كاتەگورياسىنداعى جاستاردىڭ ەڭ كوپ سانى الماتى قالاسىندا (42,5 مىڭ ادام), تۇركىستان وبلىسىندا (34,6 مىڭ ادام) جانە استانا قالاسىندا (26,4 مىڭ ادام) تىركەلدى. بۇل كاتەگورياداعى جاستاردىڭ ەڭ از سانى ۇلىتاۋ وبلىسىندا (5,4 مىڭ ادام) بايقالدى.
قازاقستان رەسپۋبليكاسىنىڭ «مەملەكەتتىك جاستار ساياساتى تۋرالى» زاڭىنا سايكەس 2023 جىلدىڭ 1 قاڭتارىنان باستاپ جاستاردىڭ جاسى 35 جاسقا دەيىن ۇلعايدى.
Abai.kz
