الەۋمەتتىك جەلى قولدانۋشىلارى شۇڭقىردا ورنالاسقان قالا تۇتىنگە بوگىپ، ىرگەدەگى تاۋدىڭ توبەسىنەن كورىنبەي قالعانىن دالەلدەيتىن ۆيدەولار جاريالاپ جاتىر, - دەپ جازادى ازاتتىق راديوسى.

وسكەمەندى ءتۇتىن باسقانى تۋرالى حابار تاراپ جاتقان كەزدە جەرگىلىكتى بۇقارالىق اقپارات قۇرالدارى 27 قاراشادا تۇسكە دەيىن ۇشاقتار كەستەدەگى ۋاقىتىنان كەشىكتىرىلگەنىن جازدى. قالالىق ءبىلىم ءبولىمىنىڭ بۇيرىعىمەن، 28-29 قاراشادا بارلىق مەكتەپتە وقۋشىلار ونلاين وقۋ رەجيمىنە كوشىرىلدى.

تاۋەلسىز ەكولوگ داۋلەت اسانوۆ قالانىڭ "شەكتەن تىس" لاستانۋىنىڭ ارتىندا كومىر ءلوببيى جاتىر دەپ ەسەپتەيدى. "كەيىنگى جىلدارى قالادا قالىپتاسقان ءتۇتىن جىلۋ ەلەكتر ورتالىعىندا كومىر جاعۋ ارتىپ، باقىلاۋعا الىنباعانىنىڭ جانە جەكە ۇيلەردىڭ ورتالىق جىلۋ جەلىسىنە قوسىلماي، قاپتاپ سالىنىپ جاتقانىنىڭ كەسىرى. مەتاللۋرگيالىق كاسىپورىندار جابىلعانىن كۇتىپ وتىرا بەرمەي، بارلىق اسەر ەتۋشى فاكتورمەن كۇرەسۋ كەرەك. قالادا تاعى ءبىر جىلۋ ەلەكتر ورتالىعى مەن قازاندىق سالۋ زيان ءارى اقىماقتىق" دەدى اسانوۆ.

Abai.kz