الماتى: 1دوللار - 526 تەڭگە
الماتىدا اقشا ايىرباس ورىندارىندا 1 اقش دوللارى 526 تەڭگەدەن ساتىلۋدا. ۇلتتىق بانك ۆاليۋتالىق ينتەرۆەنتسيا جۇرگىزىپ جاتقانىن مويىندادى.
رەسەي ءرۋبلىنىڭ قاتتى قۇلدىراۋى، دوللاردىڭ جالپى الەمدىك نارىقتا كۇش الۋى، مۇناي باعاسىنىڭ قۇبىلمالىعى، ىشكى ۆاليۋتا نارىعىنداعى سۇرانىستىر ارتۋى سىندى فاكتورلارعا جەكەلەي توقتالا كەلە:
"وسى اتالعان فاكتورلاردىڭ جيىنتىعى تەڭگە باعامىنا قىسىم جاسايدى، جەكەلەگەن كەزەڭدەردە ساۋدا-ساتتىق بارىسىندا الىپ-ساتارلىق قىسىمعا جاعداي جاساي وتىرىپ، ۆاليۋتا نارىعىنداعى تەڭگەرىمدى بۇزعانى جانە وتىمدىلىكتىڭ تومەندىگى بايقالادى. تۇراقسىزداندىراتىن اۋىتقۋلاردى بولدىرماۋ، تەڭگەنىڭ ايىرباس باعامىنىڭ ارتىق قۇبىلمالىلىعىن تەگىستەۋ ءۇشىن جانە شەتەل ۆاليۋتاسىن ۇسىنۋدى قامتاماسىز ەتۋ ماقساتىندا ۇلتتىق بانك ۆاليۋتالىق ينتەرۆەنتسيالار جۇرگىزەدى", دەلىنگەن بۇگىنگى ۆاليۋتا نارىعىنداعى جاعدايلارعا قاتىستى ۇلتتىق بانكتىڭ بەرگەن تۇسىنىكتەمەسىندە.
بۇل ۇلتتىق بانكتىڭ تەڭگە باعامىنىڭ قالىپتاسۋىنا ارالاسىپ، ونى قولداۋدى جالعاستىراتىنىن بىلدىرەدى.
Abai.kz
