تاراز قالاسىنىڭ بۇرىنعى اكىمىنىڭ ورىنباسارى سىبايلاس جەمقورلىق ءۇشىن تۇرمەگە قامالدى.

قۇرىلىس سالاسىنداعى سىبايلاس جەمقورلىققا قاتىستى ءىس بويىنشا ۇكىم شىقتى. بۇرىنعى اكىم ورىنباسارى نۇربول قالدىباەۆ قىزمەتتىك وكىلەتتىگىن اسىرا پايدالاندى دەپ تانىلىپ، ءتورت جىلعا باس بوستاندىعىنان ايىرىلدى.

قالدىباەۆپەن بىرگە سوتتالۋشىلار ورىندىعىندا مەردىگەر ۇيىمنىڭ وكىلى دە وتىردى. ول الاياقتىق جاساعانى ءۇشىن التى جىلعا سوتتالدى.

تەرگەۋ انىقتاعانداي، 2022 جىلدىڭ شىلدەسىنەن 2023 جىلدىڭ قاراشاسىنا دەيىن قالدىباەۆ تاراز قالاسى اكىمدىگىندە قۇرىلىس جانە تكش سالالارىن قاداعالاي وتىرىپ، ەلەۋلى زاڭبۇزۋشىلىقتارعا جول بەرگەن.

سۋرەت: orda.kz سايتىنان الىندى.

اتاپ ايتقاندا، جاڭا "ۇلى دالا" تۇرعىن اۋدانىندا ەكى كوپقاباتتى ءۇي قۇرىلىسى اياقتالماسا دا، پايدالانۋعا بەرىلدى دەپ قابىلدانعان.

بۇل نىساندارعا بيۋدجەتتەن 1,2 ملرد تەڭگەدەن استام قارجى بولىنگەن.

باستاپقىدا قالدىباەۆقا مۇلىكتى يەمدەنۋ جانە ىسىراپ ەتۋ ايىپتارى تاعىلعان ەدى، الايدا تەرگەۋ بارىسىندا ايىپ قىزمەتتىك وكىلەتتىكتى اسىرا پايدالانۋ بابىنا جەڭىلدەتىلدى. كەلتىرىلگەن شىعىن 137 ملن تەڭگەنى قۇرادى.

سۋرەت: orda.kz سايتىنان الىندى.

انتيكور قالدىباەۆتى 2023 جىلعى 11 جەلتوقساندا، وتستاۆكاعا كەتكەننەن ءۇش اپتا وتكەن سوڭ ۇستاعان.

سوتتا ول ءوز كىناسىن مويىنداعان جوق. الايدا مەردىگەر ونىڭ نىسانداردىڭ جاعدايىنان حاباردار بولعانىن جانە جالعان اكتىلەرگە قول قويعانىن راستادى.

Abai.kz