قىرعىزدار 15 جىلدان سوڭ قازاق تىلىندە سويلەپ، جازا باستاۋىمىز مۇمكىن. ۋيكيپەدياشى چوروبەك ساادانبەكوۆ وسىلاي دەپ ءوز اۋديتورياسىنا ۋايىمىن ايتتى.

ساادانبەكوۆتىڭ ايتۋىنشا، ChatGPT-دەن ءبىر نارسەنى قىرعىز تىلىندە سۇراعاندا، جۇيە كەيدە جاۋاپتىڭ اراسىنا قازاقشا سوزدەردى قوسىپ جىبەرەدى. ويتكەنى ChatGPT-ءتىڭ قورىندا قازاق تىلىندەگى ءماتىن مەن سوزدەردىڭ كولەمى الدەقايدا كوپ. جۇيە قىرعىز ءتىلىن تاپپاي قالعاندا قازاق تىلىنەن الادى.
جەلىدە قىرعىز ءتىلىنىڭ دامۋىنا كوپ كوڭىل بولمەسەك، 15 جىلدان سوڭ قازاقشا سويلەپ قالامىز، قازاقشا جازىپ قالامىز. ونى ءوزىمىز دە سەزبەي قالامىز. ءبىز مىنا جاقتان قانشا كونتسەپتسيا جازعانىمىزبەن، ChatGPT قىرعىزشانىڭ ورنىنا قازاقشا مالىمەت بەرە باستاسا، اقىرىندا ءسىڭىپ كەتەدى، كوپ كىسى ايىرماشىلىعىن بايقامايدى، – دەدى ساادانبەكوۆ.

Qaz365.kz دەرەككوزى

Abai.kz