رەجيسسەر ەرمەك تۇرسىنوۆتى قارجىلىق جاعىنان تاعى ءبىر تەكسەرىپ الۋ ويلاستىرىلا باستادى.

وتباسى مۇشەلەرى يسپانيانىڭ بارسەلونا قالاسىندا تۇراتىن، ءوزى دە سول جاققا كوشكەن رەجيسسەر ەرمەك تۇرسىنوۆ وسى قادامىن «ساياسيلاندىرىپ» جىبەرگەندىكتەن، ونىڭ سوڭعى 5 جىلدا مەملەكەت قارجىلاندىرعان فيلمدەرىنە اۋديت باستالۋى مۇمكىن. 4 جىل بۇرىن ءتۇسىرىلىپ، 500 ميلليون تەڭگە قارجى جۇمسالىپ، پروكاتقا شىقپاعان «بەيمويناق» فيلمىنەن باستاپ، كۇدىك تۋعىزعان باسقالارى بەيرەسمي تۇردە ءبىر تەكسەرىلەتىن بولادى.

«ەرمەك تۇرسىنوۆ بارلىق دەرلىك فيلمدەرىن بيۋدجەتتىڭ قارجىسىن پايدالانۋ ارقىلى ءتۇسىردى. «كەلىن» دە، «شال» دا، باسقا دا تۋىندىلارى بار، جەكە ينۆەستور ىزدەپ، پروديۋسەر رەتىندە ءبىر جۇگىرمەدى. زاياۆكا بەرەدى، بيۋدجەتتەن اقشا تۇسەدى، ول كينو تۇسىرەدى. ول بيۋدجەتتەن اقشا تارتۋدا ءوزىنىڭ قالىپتاسقان بەدەلىن جاقسى پايدالاندى. بىراق تيىمدىلىكپەن مۇلدەم باس اۋىرتپادى. ونىڭ تۇسىرگەن فيلمدەرى قارجى تۇرعىسىنان ەشقاشان ءوزىن اقتاعان ەمەس. «ءبارىن مەملەكەت تولەسىن» دەگەن ۇستانىممەن ءومىر سۇرەتىن وسىنداي «قايراتكەرلەردىڭ» كەسىرىنەن «قازاقفيلم» ءوزىن اسىراي المايتىن دوتاتسيالىق، بانكروتتىق جاعدايدا وتىر»، - اۋديتورلىق پالاتاعا جاقىن DALA INSIDE دەرەككوزى..

«كوپ نارسە قاماۋدا وتىرعان ەكس مادەنيەت ءمينيسترى ارىستانبەك مۇحامەديگە بايلانىستى بولىپ تۇر»، - دەيدى. ول كوپتەن بەرى مەرزىمىنەن ەرتە بوساپ شىعۋعا نيەتتى. وسى ماقساتىنا جەتۋ جولدا ەكس مينيستر تەرگەۋ ورگاندارىنا ەرمەك تۇرسىنوۆقا قاتىستى تىڭ اقپاراتتاردى جەتكىزگىسى كەلسە، تەرگەۋدە جاڭا ەپيزودتار پايدا بولۋى مۇمكىن.

«جاڭا قازاقستان» رەجيسسەردىڭ ەندىگى ريتوريكاسىن سارالايتىن بولادى. كونسترۋكتيۆتى ەمەس، دەسترۋكتيۆتى سىن، «تيسە تەرەككە، تيمەسە بۇتاققا» شاشىلعان ارتىق سوزدەر كوبەيسە يدەولوگتار رەجيسسەردى بۇدان ءارى قورعاۋدان باس تارتارى انىق. قازىر تەرگەۋ تەك تۇرسىنوۆتىڭ سەرىكتەسىنە قاتىستى باعىتتا جۇرۋدە. بىراق ءبارى تەز وزگەرىپ كەتۋى مۇمكىن.

دەرەككوز: DALA INSIDE

Abai.kz