«سەمسەرى – ساۋداعا، سارايى – حالىققا». بيلىك ماسىموۆكە تيەسىلى مۇلىكتىڭ ماسەلەسىن شەشتى.

استاناداعى ەكس-پرەمەر كارىم ماسىموۆكە تيەسىلى بولعان ءزاۋلىم ءۇي الەۋمەتتىك ماقساتتا پايدالانىلۋى مۇمكىن. بىراق ناقتى شەشىم ءالى شىققان جوق, دەپ حابارلايدى Ertenmedia.

بۇل تۋرالى ماسەلەنى قازىر قالا اكىمدىگى قاراپ جاتىر. الايدا ءۇيدىڭ مەملەكەت مەنشىگىنە قالاي وتكەندىگى ناقتى بەلگىسىز. بەلگىلىسى، جىلجىمايتىن مۇلىك باس پروكۋراتۋرا ارقىلى راسىمدەلگەن. بىراق مۇلىكتىڭ ەرىكتى تۇردە بەرىلگەن-بەرىلمەگەنى تۋرالى اقپارات جوق.

ۇقك-نىڭ ەكس-توراعاسىنىڭ ۇيىنەن تابىلعان قۇندى جادىگەرلەر – انتيكۆارلى سابليالار، سيرەك كەزدەسەتىن كونە مونەتالار مەن باسقا دا باعالى بۇيىمدار جەكە اكتيۆ رەتىندە ساۋداعا شىعارىلادى.

ولار ارنايى اۋكتسيون ارقىلى جەكە-جەكە ساتىلادى نەمەسە توپتامالىق لوت رەتىندە پاكەتپەن ۇسىنىلادى.

ازىرگە بۇل بۇيىمداردىڭ ناقتى قۇنى بەلگىسىز، بىراق ولاردىڭ باعاسى ايتارلىقتاي قىمبات بولۋى ىقتيمال. ءماسىموۆتىڭ ۇيىنەن تاركىلەنگەن باعالى زاتتاردىڭ اراسىندا سيرەك كەزدەسەتىن ءارى تاريحي قۇنى بار دۇنيەلەر بار ەكەنى بەلگىلى بولدى.

«مۇرتتىعا» تيەسىلى مۇلىكتىڭ الەۋمەتتىك ماقساتتا پايدالانىلۋى حالىق تاراپىنان قولداۋ تابۋى مۇمكىن.

اbai.kz