سەيسەنبى, 7 قازان 2025
جاڭالىقتار 1433 0 پىكىر 4 ماۋسىم, 2025 ساعات 17:41

جاپاروۆ ەكس-پرەزيدەنت اتامباەۆقا امنيستيا بەرۋى مۇمكىن

سۋرەت: 24.kg سايتىنان الىندى

قىرعىزستان پرەزيدەنتى سادىر جاپاروۆ جاقىندا 11 جارىم جىلعا سوتتالعان ەلدىڭ بۇرىنعى باسشىسى المازبەك اتامباەۆقا شىققان سوت ۇكىمىنە قاتىستى پىكىر ءبىلدىردى، دەپ حابارلايدى اكيpress.

"مەن "سوتتىڭ جۇمىسىنا ارالاسپاۋ كەرەك" دەپ ۇنەمى ايتامىن. شىعارىلعان شەشىمدى زاڭسىز دەپ ەسەپتەيتىن بولساڭىز، جوعارى تۇرعان ينستانتسيالارعا شاعىم تۇسىرگەن ءجون. سوڭعى نۇكتەسىن جوعارعى سوت قويسىن. (...) ءبىز سوتتىڭ جۇمىسىنا ارالاسقان جوقپىز، الداعى ۋاقىتتا دا ارالاسپايمىز", - دەدى قىرعىزستان باسشىسى "كابار" ۇلتتىق اقپاراتتىق اگەنتتىگىنە بەرگەن سۇحباتىندا. 

جۋرناليست جاپاروۆتان اتامباەۆ وتانىنا ورالعان جاعدايدا قاماۋعا الىنا ما دەپ سۇرادى.

"ەشكىم سوت شەشىمىن وزگەرتە المايدى. مەنىڭ دە قۇقىعىم جوق. بىراق مەندە راقىمشىلىق جاساۋ قۇقىعى بار. ءتيىستى وتىنىشپەن جۇگىنگەن جاعدايدا، راقىمشىلىق جاساۋىم مۇمكىن. قوي-تاش وقيعاسىنان بەرى التى جىل ءوتتى. مەنىڭشە، سوت تىم قاتال بولماۋى دا ءتيىس پە ەدى. ارينە، بۇل – مەنىڭ جەكە پىكىرىم. پروباتسيا نەمەسە ايىپپۇلمەن شەكتەلگەن دۇرىس بولار ما ەدى.

دەسەك تە، وقيعالار كەزىندە ادام قازا تاپتى. جۇزگە جۋىق ادام جاراقات الدى. سوت قانداي شەشىم شىعارسا دا، ول زاڭ اياسىندا قابىلداندى. ءبىز ونى ورىنداۋعا ءتيىسپىز", - دەدى ول.

Abai.kz

 

0 پىكىر

ۇزدىك ماتەريالدار

46 - ءسوز

پروفيلاكتيكا بىتوۆوگو ناسيليا

الماز ەششانوۆ 685
قاۋىپ ەتكەننەن ايتامىن

جاۋ جوق دەمە – جار استىندا...

قۋات قايرانباەۆ 9411
46 - ءسوز

كاراعانىڭ كوركەمدىك كوكجيەگى

داۋرەن باقداۋلەتۇلى 779