بۇل تۋرالى قر سىرتقى ىستەر مينيسترلىگى قازاقستان ازاماتتارىنىڭ ۇستالعانىن راستاپ مالىمدەدى.

ولار باليدە ەسىرتكىمەن بايلانىستى قىلمىس جاسادى دەگەن كۇدىككە ىلىنگەن. جەرگىلىكتى بۇقارالىق اقپارات قۇرالدارىنىڭ جازۋىنشا، قازاقستاننىڭ ەكى ازاماتى ءساۋىر ايىندا ۇستالىپ، ولاردان 49 گراممعا جۋىق مەتامفەتامين تاركىلەنگەن. كۇدىكتىلەر ەسىرتكى تاراتتى دەپ ايىپتالعان.

سىرتقى ىستەر مينيسترلىگى وسى وقيعاعا قاتىستى رەسمي تۇسىنىك بەردى.

قازىر اتالعان ازاماتتارعا قاتىستى يندونەزيانىڭ قۇزىرلى ورگاندارى سوتقا دەيىنگى تەرگەپ-تەكسەرۋ جۇمىستارىن جۇرگىزىپ جاتىر. وزگە اقپارات جاريا ەتۋگە جاتپايدى. قازاقستاننىڭ دجاكارتاداعى ەلشىلىگى تەرگەۋ ورگاندارىمەن جانە كۇدىكتىلەردىڭ تۋىستارىمەن بايلانىستا جۇمىس ىستەپ جاتىر. بۇل ماسەلە قازاقستاندىق ديپلوماتتاردىڭ ەرەكشە باقىلاۋىندا،
•⁠ ⁠دەلىنگەن ءسىم تاراتقان اقپاراتتا.

ەسكەرەر جايت، رەسمي يندونەزيا زاڭناماسىندا كوزدەلگەندەي – ەسىرتكىنى ساقتاۋ جانە ونىڭ زاڭسىز اينالىمى ءۇشىن ءولىم جازاسى قاراستىرىلعان.

Abai.kz