.png)
اقمولا وبلىسىنداعى ەكى اۋىلدا كارانتين جاريالانعان
اۋىل شارۋاشىلىعى ءمينيسترى ايداربەك ساپاروۆ اقمولا وبلىسىندا ءسىبىر جاراسىنىڭ تاراۋىنا بايلانىستى پىكىر ءبىلدىردى.
ءمينيستردىڭ سوزىنشە، اقمولا وبلىسىنداعى اتباسار اۋىلىنان 7 شاقىرىم جەردە مال جينالعان.
- سول جەردە 10 شاقتى مالدا ءسىبىر جاراسى بولعان. ول جەردە ءسىبىر جاراسىنىڭ جەرلەۋ ورنى بولعان. سول جەردە مال باققان. ون مال تابىلىپ، ءولتىرىلدى. قۇقىق قورعاۋ ورگاندارى جۇمىس ىستەدى. وقيعا ورنىندا دەزينفەكتسيا جاساپ، كارانتين ەنگىزدىك. مال باققان جەردى قورشاۋعا الدىق. جالپى ەكى اۋىلدا كارانتين ەنگىزىلدى، دەيدى مينيستر.
ەسكە سالايىق، بىلتىر اتىراۋداعى مال بازارىندا ءسىبىر جاراسىنا بايلانىستى كارانتين ەنگىزىلگەن بولاتىن.
Abai.kz
