ءماجىلىس سپيكەرى، «AMANAT» پارتياسىنىڭ توراعاسى ەرلان قوشانوۆ «جاستار رۋحى» رەسپۋبليكالىق جاستار ساياسي لاگەرىنىڭ «ءبىر تولقىندا» ديالوگ الاڭىنىڭ جۇمىسىنا قاتىستى. شىعىس قازاقستان وبلىسىنىڭ گورنايا ۋلبينكا اۋىلىندا ەلىمىزدىڭ بارلىق وڭىرىنەن كەلگەن 500-گە جۋىق دەلەگات باس قوستى. سونداي-اق ءىس-شاراعا عىلىم جانە جوعارى ءبىلىم ءمينيسترى ساياسات نۇربەك پەن شىعىس قازاقستان وبلىسىنىڭ اكىمى نۇرىمبەت ساقتاعانوۆ قاتىستى.

سۋرەتتەردى تۇسىرگەن: ءالي عالىم

بۇگىندە 100 مىڭعا جۋىق جاس ازاماتتى بىرىكتىرىپ وتىرعان «جاستار رۋحى» جاستار قاناتى ەلىمىزدەگى ەڭ ءىرى جاستار ۇيىمى سانالادى. ءتورت جىل قاتارىنان ۇيىمداستىرىلىپ كەلە جاتقان رەسپۋبليكالىق لاگەر – جاس ازاماتتارعا قولداۋ كورسەتۋدىڭ وزەكتى ماسەلەلەرى تالقىلاناتىن جانە تۇراقتى جۇمىس ىستەيتىن جالعىز جاستار الاڭى.

سۋرەتتەردى تۇسىرگەن: ءالي عالىم

ەرلان قوشانوۆ اتاپ وتكەندەي، «جاستار رۋحىنىڭ» اتقارىپ جاتقان جۇمىسىنا ءبىر كەزدەرى تىكەلەي مەملەكەت باسشىسى قاسىم-جومارت توقاەۆ ەرەكشە سەرپىن بەردى. پرەزيدەنت جاستار ءۇشىن اسا ماڭىزدى ءۇش نەگىزگىباسىمدىقتى بەلگىلەدى. ولار – تەرەڭ ءبىلىم، ەڭبەكقورلىق جانە وتانشىلدىق قاسيەت. ءدال وسى قاسيەتتەر جاڭا بۋىننىڭ ساپاسىن ايقىندايدى.

سۋرەتتەردى تۇسىرگەن: ءالي عالىم

«پاتريوتيزم دەگەنىمىز – حالقىڭا ادال قىزمەت ەتۋ، تاريحىڭدى ءبىلۋ، ءتىلىڭدى قۇرمەتتەۋ، ەڭ باستىسى شەشۋشى ساتتە وتانعا قول ۇشىن سوزۋعا دايىن بولۋ. بۇل – جالاڭ ۇران ەمەس. باستىسى – وتانىڭا ادال، وتباسىڭا قامقور بولۋ جانە مەملەكەت مۇددەسىن بارىنەن جوعارى قويا ءبىلۋ.پرەزيدەنتتىڭ ءار باستاماسى مەن يدەيالارىنىڭ وزەگىندە وسىنداي قاراپايىم دا قاستەرلى قۇندىلىقتار جاتىر. زاڭ مەن تءارتىپ ۇستەمدىگى، «ادال ازامات» تۇجىرىمداماسى، «تازا قازاقستان» جالپىۇلتتىق قوزعالىسى سياقتى ىزگى باستامالاردىڭ ءبارى – ادىلەتتى قازاقستان قۇرۋدىڭ العىشارتى»، – دەدى ول.

«AMANAT» پارتياسىنىڭ توراعاسى پرەزيدەنت قاسىم-جومارت توقاەۆتىڭ باستاماسىمەن 2025 جىل جۇمىسشى ماماندىقتارى جىلى دەپجاريالانعانىن ەسكە سالدى. بۇل شەشىم قوعام يگىلىگى جولىندا ادال ەڭبەك ەتىپ جۇرگەن جاندارعا قولداۋ كورسەتۋگە باعىتتالعان. بيىل جاستار لاگەرىندە200-گە جۋىق جاس ازامات، ياعني جۇمىسشى ماماندىق وكىلدەرى – ينجەنەرلەر، كەنشىلەر، مەتاللۋرگتەر، ءبىر سوزبەن ايتقاندا، ەكونوميكانى كۇن سايىن ءوز ەڭبەگىمەن العا جەتەلەيتىندەر باس قوستى.

«ادال ازامات قاشان دا ابىرويلى، ادال ەڭبەك قاشان دا باعالى. جۇمىسشى جاستار ءبىزدىڭ نازارىمىزدان تىس قالماۋى كەرەك. ءبىز ولاردى ۇنەمى قولداپ، ەرەكشە كوڭىل ءبولۋىمىز قاجەت. وسى رەتتە، «AMANAT» پارتياسى ۇكىمەتپەن بىرگە «جۇمىسشى جاستار اماناتى» دەگەن جاڭا جوبانى باستايىن دەپ وتىر. جوبانىڭ ماقساتى – جۇمىسشى جاستاردىڭ الەۋمەتتىك ماسەلەسىن, سونىڭ ىشىندە تۇرعىن ۇيمەن قامتاماسىز ەتۋ جانە كادرلىق الەۋەتتى دامىتۋ ماسەلەلەرىن شەشۋگە ىقپال ەتۋ»، – دەدى ول.

ءماجىلىس سپيكەرى دارىندى كوشباسشىلاردى ءدال وسى جۇمىسشى جاستاردىڭ اراسىنان ىزدەۋ، ولاردى پارتيانىڭ كادرلىق رەزەرۆىنە قوسۋ، مەملەكەتتىك قىزمەتتە ءوسۋىنە كومەكتەسۋ، دەپۋتاتتىق كورپۋسقا جانە ءتۇرلى سالاداعى باسشىلىق لاۋازىمدارعا ۇسىنۋ قاجەت ەكەنىن اتاپ ءوتتى. سونىڭ ءبىر جارقىن مىسالى – بۇرىن كەن بايىتۋ فابريكاسىندا جۇمىس ىستەگەن ساتباەۆ قالاسىنىڭ قازىرگى اكىمى مۇرات بورىباەۆ. ول ەڭبەك ادامىنىڭ تىنىس-تىرشىلىگىن جاقسى تۇسىنەدى. بۇل تاجىريبە ونىڭ مەملەكەتتىك قىزمەتتەگى جۇمىسىنا كوپ كومەك بولىپ وتىر.

ەرلان قوشانوۆ قازىرگى زاماننىڭ جاڭا سىن-قاتەرلەرى تۋرالى ايتا كەلە، جاساندى ينتەللەكت پەن تسيفرلاندىرۋدى دامىتۋ ماسەلەسىنە ەرەكشە نازار اۋداردى. مەملەكەت باسشىسىنىڭ باستاماسىمەن جاساندى ينتەللەكت جونىندەگى حالىقارالىق كونسۋلتاتيۆتىك كەڭەس قۇرىلۋدا. ءماجىلىس دەپۋتاتتارى ءبىرىنشى وقىلىمدا جاساندى ينتەللەكت تۋرالى زاڭ جوباسىن قابىلدادى. تسيفرلىق كودەكستى ءازىرلەۋ جۇمىسى جالعاسۋدا. ال بيىلقىركۇيەكتە ءماجىلىس الاڭىندا جاساندى ينتەللەكت ماسەلەلەرى بويىنشا پارلامەنتتىك تىڭداۋلار وتەدى. وعان وسى جيىندا باس قوسىپ وتىرعان جاستار دا قاتىسا الادى. سونداي-اق پارتيا توراعاسى تەك جاس عالىمداردىڭ عىلىمي قىزمەتءىنە ارنالعان گرانت ءبولۋ بويىنشا جەكە كۆوتا ەنگىزۋ مۇمكىندىگىن قاراستىرۋدى ۇسىندى.

سۋرەتتەردى تۇسىرگەن: ءالي عالىم

ءماجىلىس سپيكەرى «جاستار رۋحىنىڭ» بەلسەندىلەرى ەڭ وزەكتى تاقىرىپتاردى تالقىلاۋ جۇمىسىنان ەشقاشان شەت قالماعانىن ەرەكشە اتاپ ءوتتى. ماسەلەن، بىلتىر تۇركىستان وبلىسىندا وتكەن لاگەر وتىرىسىندا قۇمار ويىن, ناشاقورلىق، نەسيەگە بەلشەدەن باتۋ, جۇمىسسىزدىق جانە وزگە دەماسەلەلەردى شەشۋ بويىنشا كوپ ۇسىنىس ايتىلدى. ناتيجەسىندە، ونىڭ بءارى «AMANAT» پارتياسىنىڭ باستاماسىمەن زاڭ اياسىندا كورىنىس تاۋىپ، بۇگىندە مەملەكەتتىك دەڭگەيدە جۇيەلى تۇردە شەشىلۋدە. بۇل – جاستار پىكىرتالاسىنىڭ تيىمدىلىگىن كورسەتكەن جارقىن مىسال.

وسىلايشا، «جاستار رۋحىنىڭ» بەلسەندىلەرى ورتاعا سالعان ۇسىنىستار وڭ وزگەرىستەر مەن دامۋدىڭ قوزعاۋشى كۇشىنە اينالۋدا. رۋحتاستار مەملەكەت باسشىسىنىڭ «تازا قازاقستان» باستاماسىنا العاشقىلاردىڭ ءبىرى بولىپ ءۇن قوسىپ، ولاردىڭ ايرىقشا اتسالىسۋى ارقىلى بۇل باستاما ەكولوگيالىق اكتسيادان جاڭاشا ويلاۋ ءتاسىلىن قالىپتاستىراتىن جالپىۇلتتىق قوزعالىسقا ۇلاستى. جاس پارتيالاستار قيىن جاعدايلاردا جانە تابيعي اپاتتار كەزىندە العاشقىلاردىڭ ءبىرى بولىپ ارقاشان كومەككە كەلىپ، ازاماتتىق جاۋاپكەرشىلىكتىڭ جارقىن ۇلگىسىن كورسەتىپ ءجۇر.

ايتا كەتەيىك، بىلتىر اەس سالۋ ماسەلەسى بويىنشا پىكىرتالاس جاستار لاگەرى الاڭىندا دا كەڭ قولداۋ تاپتى. اۋقىمدى اقپاراتتىق-ءتۇسىندىرۋ جۇمىسىنىڭ ناتيجەسىندە, ەل ازاماتتارىنىڭ باسىم كوپشىلىگى پرەزيدەنتءتىڭ پروگرەسسيۆتى باستاماسىنا قولداۋ ءبىلدىردءى. ەڭ باستىسى، جاس كوشباسشىلار قوعامنىڭ اتوم ەنەرگەتيكاسىنا قاتىستى بارلىق قورقىنىشىن جەڭۋگە كومەكتەسءتى.

سۋرەتتەردى تۇسىرگەن: ءالي عالىم

وتىرىس بارىسىندا بىرقاتار دەلەگات ءسوز سويلەدى. ماسەلەن، «قازاقستان اليۋمينيءى» اق جاستار كەڭەسىنىڭ توراعاسى دامير بايماعامبەتوۆ اتالعان كءاسىپورىنداعى جاستاردى قولداۋ شارالارى تۋرالى ايتتى. جاس ماماندارعا سەگىز جىلعا دەيىنگى مەرزىمگە تەگىن جالدامالى باسپانا بەرىلەدى. ونى جەڭىلدەتىلگەن شارتتارمەن ساتىپ الۋ مۇمكىندىگى بار. «AMANAT» پارتياسى وسى تاجىريبەنى وزگە دە وندىرىستىك كاسىپورىنداردا دا ىلگەرىلەتۋگە نيەتتى.

ريددەردەگى گيدرومەتاللۋرگ ولگا ۋشاكوۆا جاسوسپىرىمدەردىڭ جۇمىسشى ماماندىقتارىنا دەگەن قىزىعۋشىلىعىن وياتۋ ءۇشىن مەكتەپتەردە كاسىپتىك باعدار بەرۋ جۇمىسىن دامىتۋدى ۇسىندى.

جالپى، لاگەر جۇمىسىنا قازاقستاننىڭ تۇكپىر-تۇكپىرىنەن كەلگەن جاس كوشباسشىلار، مەملەكەت جانە قوعام قايراتكەرلەرى، ءماجىلىستەگى «AMANAT» پارتياسى فراكتسياسىنىڭ دەپۋتاتتارى قاتىسۋدا. بيىل 7-10 شىلدە ارالىعىندا جاس دەلەگاتتار قارقىندى سەمينارلار مەن ترەنينگتەرگە, ەڭ وزەكتى تاقىرىپتار تالقىلاناتىن قىزۋ پىكىرتالاستارعا قاتىسادى, تاجىريبە الماسادى. سونىمەن قاتار ولار «التاي-2025» ەتنوفەستيۆالىنە قاتىسادى.

«AMANAT» پارتياسىنىڭ ءباسپاسوز قىزمەتى

Abai.kz