ەندى بانكتەر تولەمدەر مەن اۋدارىمداردىڭ ءتاريفىن كوتەرۋ ءۇشىن كليەنتتەرگە 3 اي بۇرىن ەسكەرتۋگە مىندەتتى بولۋى ىقتيمال.

مۇنداي قاۋلى جوباسىن قارجى اگەنتتىگى اشىق نقا پورتالىنا شىعارىپ وتىر.

قارجى نارىعىن رەتتەۋ جانە دامىتۋ اگەنتتىگىنىڭ حابارلاۋىنشا، قاۋلىنىڭ تولىق اتاۋى – "بانكتىك قىزمەتتەردى كورسەتۋ جانە بانكتەردىڭ، بانك وپەراتسيالارىنىڭ جەكەلەگەن تۇرلەرىن جۇزەگە اسىراتىن ۇيىمداردىڭ بانكتىك قىزمەتتەردى كورسەتۋ ۇدەرىسىندە تۋىندايتىن كليەنتتەردىڭ وتىنىشتەرىن قاراۋ قاعيدالارىن بەكىتۋ تۋرالى" قاۋلى. مۇنى 2017 جىلى ۇلتتىق بانك قابىلداعان. اگەنتتىك وسى قۇجاتتى زامان تالابىنا ساي جەتىلدىرۋدى ماقسات تۇتقان.

جوبا مىناداي قوسىمشا باقىلاۋ شارالارىن ەنگىزۋدى كوزدەيدى:

1. مۇگەدەكتىگى بار ادامدارعا جانە حالىقتىڭ باسقا دا از قوزعالاتىن توپتارىنا كورسەتىلەتىن قىزمەتتەردى ۇسىنۋ ءتارتىبىن ايقىنداۋ;
2. بانكتەردى ينتەرنەت-رەسۋرستارىندا الاتىن/العان قارىزدىڭ اي سايىنعى تولەمدەرىن ەسەپتەپ بەرەتىن ونلاين كالكۋلياتور ورنالاستىرۋعا مىندەتتەۋ;
3. تولەمدەر مەن اۋدارىمداردىڭ تاريفتەرىن كوتەرمەي تۇرىپ 3 اي بۇرىن كليەنتتەردى حاباردار ەتۋ جونىندەگى تالاپ;
4. كليەنتتەردىڭ وتىنىشتەرىن قاراۋ مەرزىمدەرىن ايقىنداۋ.

قۇجات 21 شىلدەگە دەيىن پورتالدا قوعامدىق تالقىلاۋعا شىعارىلدى.

Abai.kz