قىلمىستىق توپ باسشىسى ا.جۇماگەلديەۆتىڭ سىبايلاسى بىرىككەن اراب امىرلىكتەرىنەن ەكستراديتسيالاندى.

باس پروكۋراتۋرا مەن ىشكى ىستەر مينيسترلىگىنىڭ قىزمەتكەرلەرى قازاقستاننىڭ بىرىككەن اراب امىرلىكتەرىندەگى ەلشىلىگىنىڭ قولداۋىمەن دۋباي قالاسىنان ا.جۇماگەلديەۆتىڭ قىلمىستىق توبىنىڭ سىبايلاسى ەكستراديتسيالاندى.

ول 2022 جىلعى 5-7 قاڭتار ارالىعىندا الماتى قالاسىندا جۇماگەلديەۆتىڭ باندالىق قۇرامىندا جاپپاي تارتىپسىزدىكتەرگە بەلسەنە قاتىسقان دەگەن كۇدىككە ءىلىندى.

قىلمىستار جاسالعاننان كەيىن كۇدىكتى جاسىرىنعان جانە شامامەن ءۇش جىل بويى حالىقارالىق ىزدەۋدە بولعان، كەيىننەن بىرىككەن اراب امىرلىكتەرى اۋماعىندا ۇستالعان.

قازىرگى ۋاقىتتا كۇدىكتى استانا قالاسىنداعى تەرگەۋ يزولياتورىنا قامالدى.

وعان تاعىلعان قىلمىستار بويىنشا ون جىلدان ون بەس جىلعا دەيىن باس بوستاندىعىنان ايىرۋ جانە مۇلكىن تاركىلەۋ جازاسى كوزدەلگەن.

ەسكە سالساق، "ديكي ارمان" لاقاپ اتىمەن تانىمال ارمان جۇماگەلديەۆتىڭ ادامدارى قاڭتار كەزىندە 34 ادامدى ۇرلاپ، ۇرىپ-سوققانى انىقتالعان ەدى. ال جۇماگەلديەۆتىڭ وزى 20 جىلعا سوتتالعانىن جازعان ەدىك.

Abai.kz