سول سەبەپتى سۋديا سوت پروتسەسىنە ءۇزىلىس جاريالاۋ تۋرالى شەشىم قابىلداۋعا ءماجبۇر بولدى. 

پەريزات قايرات ءىسى بويىنشا وتكەن سوتتا ايىپتالۋشىنىڭ اناسى – عايني الاشباەۆانىڭ جاعدايى كۇرت ناشارلاپ، دەنساۋلىعى سىر بەرگەن.

وسىعان بايلانىستى سۋديا سوت وتىرىسىنا ءۇزىلىس جاريالادى.

– قازىر جەدەل جاردەم قىزمەتكەرلەرى سىزگە مەديتسينالىق كومەك كورسەتەدى، – دەدى سۋديا.

ايتا كەتەيىك، سوتتا ءىرى كولەمدەگى قايىرىمدىلىق قاراجاتىن جىمقىرۋ فاكتىسى بويىنشا قىلمىستىق ءىس قارالىپ جاتىر.

سوت وتىرىسىندا بىرنەشە جابىرلەنۋشى جاۋاپ بەردى. بۇل – سۋ تاسقىنىنان زارداپ شەككەندەرگە ەل تۇرعىندارى قاراجات اۋدارعان ءۇشىنشى ەپيزود.

وسىعان دەيىن پەريزات قايرات پەن اناسىنىڭ 3,5 ملرد تەڭگەنى قايدا جۇمساعانىن جازعان بولاتىنبىز.

سونداي-اق، قىلمىستىق ىستە 50-گە جۋىق جابىرلەنۋشى بار ەكەنى بەلگىلى بولدى. 

Abai.kz