جۇكتىلىك پەن بالا كۇتىمىنە قاتىستى الەۋمەتتىك تولەمدەردى ەسەپتەۋ تارتىبىنە وزگەرىس ەنگىزىلدى. بۇل تۋرالى ەڭبەك جانە حالىقتى الەۋمەتتىك قورعاۋ مينيسترلىگى رەسمي تۇسىنىكتەمە بەردى.

جاڭا تارتىپكە سايكەس، جۇمىس بەرۋشىلەردىڭ سانىنا قاراماستان، جۇكتىلىككە جانە بوسانۋعا بايلانىستى الەۋمەتتىك تولەمنىڭ مولشەرىن ەسەپتەۋ كەزىندە ازاماتتىڭ ورتاشا ايلىق كىرىسى شەكتەلەدى.

ياعني، ەندى بۇل كورسەتكىش الەۋمەتتىك تولەمگە قۇقىق تۋىنداعان كۇنگە رەسپۋبليكالىق بيۋدجەت تۋرالى زاڭدا بەلگىلەنگەن ەڭ تومەن جالاقىنىڭ 7 ەسەلەنگەن مولشەرىنەن اسپاۋعا ءتيىس.

مىسالى، 2025 جىلى ەڭ تومەنگى جالاقى – 85 000 تەڭگە بولسا، وندا ەسەپكە الىناتىن ەڭ جوعارعى كىرىس – 595 000 تەڭگە.

كەيىن تولەنگەن جارنالار ەندى ەسەپكە الىنبايدى

سونىمەن قاتار جاڭا ەرەجەگە سايكەس، جۇكتىلىككە جانە بوسانۋعا، سونداي-اق بالا كۇتىمىنە بايلانىستى الەۋمەتتىك تولەمدەردى ەسەپتەگەندە الەۋمەتتىك تاۋەكەلدەر تۋىنداعان كۇننەن كەيىنگى اۋدارىمدار ەسەپكە الىنبايدى.

بۇل نورما ازاماتتاردىڭ زاڭنامادا كوزدەلگەن مەرزىمدەرگە دەيىن الەۋمەتتىك اۋدارىمدارىن ۋاقتىلى جانە تۇراقتى تۇردە تولەۋ قاجەتتىگىن ايقىندايدى.

مينيسترلىك تۇسىندىرۋىنشە، قابىلدانعان وزگەرىستەر الەۋمەتتىك ساقتاندىرۋدىڭ نەگىزگى قاعيداتتارىن ساقتاي وتىرىپ، الەۋمەتتىك قامسىزداندىرۋ جۇيەسىنىڭ ادىلدىگى مەن ورنىقتىلىعىن قامتاماسىز ەتۋگە باعىتتالعان.

وسىعان بايلانىستى الەۋمەتتىك قورعاۋ جۇيەسى، ونىڭ ىشىندە الەۋمەتتىك تولەمدەردى تاعايىنداۋ تاسىلدەرى ۇنەمى قايتا قارالىپ، وڭتايلاندىرىلىپ وتىرادى، – دەلىنگەن ۆەدومستۆونىڭ جاۋابىندا.

ەڭبەك جانە حالىقتى الەۋمەتتىك قورعاۋ مينيسترلىگى قولدانىستاعى جاردەماقى جۇيەسىن ساقتاي وتىرىپ، جىل سايىن ارتاتىنىن ايتتى.

قارىزعا باتقان جاستار NEET ساناتىنا ءوتۋى مۇمكىن. بۇل — جۇمىسسىزدىق، رەسمي تابىستىڭ بولماۋى جانە الەۋمەتتىك بەلسەندىلىكتىڭ تومەندەۋ قاۋپى بار دەگەن ءسوز. BAQ.KZ ءتىلشىسى وسى ماسەلە اياسىندا ەڭبەك جانە حالىقتى الەۋمەتتىك قورعاۋ مينيسترلىگىنە ساۋال جولداعانەدى.

Abai.kz