سالىق ورگانى سالىق تولەۋشiنىڭ (سالىق اگەنتىنىڭ) بانكتىك شوتتارىنان سالىقتىق بەرەشەك سوماسىن تاۋەكەلدەردى باسقارۋ جۇيەسىنە سايكەس:  

تاۋەكەل دەڭگەيى جوعارى ساناتقا جاتقىزىلعان سالىق تولەۋشى (سالىق اگەنتى) سالىقتىق بەرەشەك سومالارىن تولەمەگەن نەمەسە تولىق تولەمەگەن جاعدايدا – سالىقتىق بەرەشەكتى وتەۋ تۋرالى حابارلاما تابىس ەتىلگەن كۇننەن باستاپ بەس جۇمىس كۇنى وتكەن سوڭ;

تاۋەكەل دەڭگەيى ورتاشا ساناتقا جاتقىزىلعان سالىق تولەۋشى (سالىق اگەنتى) سالىقتىق بەرەشەك سومالارىن تولەمەگەن نەمەسە تولىق تولەمەگەن جاعدايدا – سالىقتىق بەرەشەكتى وتەۋ تۋرالى حابارلاما تابىس ەتىلگەن كۇننەن باستاپ جيىرما جۇمىس كۇنى وتكەن سوڭ ماجبۇرلەۋ تارتiبiمەن ءوندىرىپ الادى.

وسى تارماقتىڭ ەرەجەلەرi قازاقستان رەسپۋبليكاسىنىڭ ازاماتتىق كودەكسىنە سايكەس ءوندiرiپ الۋدى قولدانۋعا جول بەرiلمەيتiن بانكتىك شوتتارعا قولدانىلمايدى.

2. سالىق تولەۋشىنىڭ (سالىق اگەنتىنىڭ) ەكىنشى دەڭگەيدەگى بانكتە نەمەسە بانك وپەراتسيالارىنىڭ جەكەلەگەن تۇرلەرىن جۇزەگە اسىراتىن ۇيىمدا اشىلعان بانكتىك شوتتارىنان سالىقتىق بەرەشەك سوماسىن ءوندىرىپ الۋ، وسىنداي ەكىنشى دەڭگەيدەگى بانك نەمەسە بانك وپەراتسيالارىنىڭ جەكەلەگەن تۇرلەرىن جۇزەگە اسىراتىن ۇيىم بەرگەن قارىزدار بويىنشا قامتاماسىز ەتۋ بولىپ تابىلاتىن اقشا سوماسىن قوسپاعاندا، كورسەتiلگەن قارىزدىڭ وتەلمەگەن نەگiزگi بورىشى مولشەرiندە سالىق ورگانىنىڭ ينكاسسالىق وكىمى نەگىزىندە جۇرگىزىلەدى.

3. سالىق ورگانى ينكاسسالىق وكىمدى ونى جاساۋ كۇنگى سالىقتىق بەرەشەك سوماسى تۋرالى دەرەكتەر نەگىزىندە جاسايدى.

4. ەكىنشى دەڭگەيدەگى بانك نەمەسە بانك وپەراتسيالارىنىڭ جەكەلەگەن تۇرلەرىن جۇزەگە اسىراتىن ۇيىم سالىق تولەۋشىنىڭ (سالىق اگەنتىنىڭ) ءبىر بانكتىك شوتىنان ينكاسسالىق وكىمدى ورىنداعان كەزدە سالىق تولەۋشىنىڭ (سالىق اگەنتىنىڭ) كورسەتىلگەن ەكىنشى دەڭگەيدەگى بانكتە نەمەسە بانك وپەراتسيالارىنىڭ جەكەلەگەن تۇرلەرىن جۇزەگە اسىراتىن ۇيىمدا اشقان باسقا بانكتىك شوتتارىنا شىعارىلعان ينكاسسالىق وكىمدەر، ەگەر مۇنداي ينكاسسالىق وكىمدەر سول كۇنمەن، سول سوماعا، بەرەشەكتىڭ سول ءتۇرى بويىنشا شىعارىلعان بولسا، سالىق ورگانىنا ورىندالماي قايتارىلادى.

​ونداباەۆ مۋحيت سەرىكجانۇلى

Abai.kz