ەندى جۇمىسسىز ازاماتتارعا بوس جۇمىس ورىندارى اۆتوماتتى تۇردە ۇسىنىلادى. بۇل تۋرالى تسيفرلىق دامۋ، يننوۆاتسيالار جانە اەروعارىش ونەركاسىبى ءبىرىنشى ۆيتسە-ءمينيسترى قانىش تولەۋشين ۇكىمەت وتىرىسىندا ءمالىم ەتتى.

ۆيتسە-ءمينيستردىڭ ايتۋىنشا، جۇمىس ىزدەۋشىلەردى تىركەۋ پروتسەسى ەداۋىر جەڭىلدەگەن.

بۇرىن جۇمىس ىزدەۋ جانە جۇمىسقا ورنالاستىرۋ قىزمەتى ازاماتتاردىڭ دەربەس ارەكەتتەرىنە نەگىزدەلدى. بوس جۇمىس ورىندارىن ىزدەۋ قولمەن جۇرگىزىلدى، بۇل ايتارلىقتاي ۋاقىت پەن ەڭبەك شىعىندارىن تالاپ ەتتى. ەنگىزۋ ناتيجەسىندە مەملەكەتتىك دەرەكتەردىڭ ينتەگراتسياسىنا جانە جۇمىسسىزدىق مارتەبەسىن اۆتوماتتى تۇردە انىقتاۋعا كوشۋ ورىن الدى. ەندى جۇيە ازاماتتارعا قولمەن ىزدەۋ قاجەتتىلىگىن جويا وتىرىپ، قولايلى بوس ورىنداردى پرواكتيۆتى تۇردە ۇسىنادى، – دەدى قانىش تولەۋشين.

ول جۇمىسپەن قامتۋ پروتسەسى دە وڭتايلاندىرىلعانىن ايتادى.

بۇرىن جۇمىسقا ورنالاسۋ پروتسەسىندە اڭگىمەلەسۋ ءۇشىن جۇمىس بەرۋشىگە مىندەتتى تۇردە جەكە بارۋ، قاعاز قۇجاتتاردىڭ تولىق پاكەتىن (10 تارماقتان استام) ۇسىنۋ جانە قاعاز تۇرىندە ەڭبەك شارتىنا قول قويۋ تالاپ ەتىلەتىن. بۇگىنگى تاڭدا مەملەكەتتىك اقپاراتتىق جۇيەلەرمەن ينتەگراتسيانىڭ ارقاسىندا قاجەتتى قۇجاتتاردىڭ 90%-دان استامى اۆتوماتتى تۇردە ەلەكتروندى تۇردە قالىپتاستىرىلادى جانە تارتىلادى. ەڭبەك شارتى ەلەكتروندىق تسيفرلىق قولتاڭبانى قولدانۋ ارقىلى قاشىقتان جاسالادى، جەكە بارۋ قاجەتتىلىگىن بولدىرمايدى، – دەدى ۆيتسە-مينيستر.

تسيفرلىق جاڭاشىلدىق 9,5 ميلليوننان استام ەڭبەككە قابىلەتتى ادامدى قامتيدى. سونىمەن قاتار، قىزمەت كورسەتۋ ۋاقىتى 3 كۇننەن 5 مينۋتقا دەيىن قىسقارعان.

Abai.kz