قازاقستاندا 80 932 ارداگەر تۇرادى، ونىڭ ىشىندە  ۇلى وتان سوعىسىنىڭ 96 ارداگەرى، جەڭىلدىكتەر بويىنشا ۇوس ارداگەرلەرىنە تەڭەستىرىلگەن 16 630 ارداگەر، 26 580 باسقا مەملەكەتتەردىڭ اۋماعىندا ۇرىس قيمىلدارىنىڭ ارداگەرلەرى، 37 626 ۇوس جىلدارىنداعى تىل ەڭبەككەرلەرى. 2025 جىلى اتالعان ساناتتارداعى ازاماتتارعا 8,5 ملرد تەڭگە سوماسىندا ارناۋلى مەملەكەتتىك جاردەماقى تولەندى. 

رەسپۋبليكالىق بيۋدجەتتەن بەرىلەتىن اي سايىنعى ارناۋلى مەملەكەتتىك جاردەماقى ارداگەرلەردىڭ بارلىق ساناتتارىنا، وزگە دە الەۋمەتتىك تولەمدەردى الۋىنا قاراماستان، مىناداي مولشەردە تولەنەدى:

1) ۇوس ارداگەرلەرى – 16 اەك (2025 جىلى – 62 912 تەڭگە);

2) جەڭىلدىكتەرى بويىنشا ۇوس ارداگەرلەرىنە تەڭەستىرىلگەن ارداگەرلەر، ولاردىڭ ىشىندە:

• ۇوس كەزەڭىندە جاراقات الۋى، كونتۋزيا الۋى، مەرتىگۋى نەمەسە اۋرۋ سالدارىنان مۇگەدەكتىگى بار ادامدارعا جەڭىلدىكتەر بويىنشا تەڭەستىرىلگەن ادامدار – 7,55 اەك (2025 جىلى – 29 687 تەڭگە);
• جەڭىلدىكتەر بويىنشا ۇوس قاتىسۋشىلارىنا تەڭەستىرىلگەن تۇلعالار – 6,19 اەك (2025 جىلى – 24 339 تەڭگە);

3) باسقا مەملەكەتتەردىڭ اۋماعىنداعى ۇرىس قيمىلدارىنىڭ ارداگەرلەرى، ونىڭ ىشىندە:

• اۋعانستانداعى ۇرىس قيمىلدارىنا قاتىسۋشىلار – 6,19 اەك (2025 جىلى – 24 339 تەڭگە);
• تاجىك-اۋعان ۋچاسكەسىندە تمد شەكاراسىن قورعاۋدى كۇشەيتۋ جونىندەگى مىندەتتەردى ورىنداعان، يراكتاعى حالىقارالىق بىتىمگەرشىلىك وپەراتسياعا، تاۋلى قاراباقتاعى ەتنوسارالىق قاقتىعىستى رەتتەۋگە قاتىسقان اسكەري قىزمەتشىلەر – 4,8 اەك (2025 جىلى – 18 874 تەڭگە);

4) ۇوس جىلدارىنداعى تىل ەڭبەككەرلەرى – 2,13 اەك (2025 جىلى – 8 376 تەڭگە).

Abai.kz