ۇلىبريتانيا پرەمەر-ءمينيسترى كير ستارمەر ءوفيسى 29 شىلدەدە پالەستينا مەن گازاعا قاتىستى مالىمدەمە جاريالادى. وندا ەگەر يزرايل گازادا بەيبىتشىلىك ورناتۋعا بايلانىستى ناقتى قادامدار جاساماسا، ۇلىبريتانيا قىركۇيەكتە بۇۇ باس اسسامبلەياسىنىڭ وتىرىسىندا پالەستينا مەملەكەتىن رەسمي مويىندايتىنى تۋرالى جازىلعان.

بۇدان بولەك، لوندون تەل-اۆيۆتەن يوردان وزەنىنىڭ باتىس جاعالاۋىن اننەكسيالاپ الماۋعا قاتىستى ناقتى مالىمدەمە جاساۋدى تالاپ ەتتى.

لوندون گازا سەكتورىن باقىلاۋدا ۇستاپ تۇرعان تەررورلىق توپ حاماس-تا 2023 جىلى 7 قازاندا كەپىلگە العان يزرايل ازاماتتارىن بوساتىپ، گازانى باسقارۋدان كەتىپ، قارۋسىزدانۋعا مىندەتتەمەلەر الۋدى تالاپ ەتتى.

بۇعان دەيىن ۇلىبريتانيا پارلامەنتىنىڭ ۇشتەن ءبىرى كير ستارمەردى پالەستينا مەملەكەتىن رەسمي مويىنداۋعا ۇندەگەن.

24 شىلدەدە فرانتسيا پرەزيدەنتى ەممانۋەل ماكرون قىركۇيەكتە بىرىككەن ۇلتتار ۇيىمىنىڭ باس اسسامبلەياسىندا پالەستينا مەملەكەتىن مويىندايتىنىن مالىمدەگەن. رەسمي پاريج بۇل قادام تاياۋ شىعىستاعى جاعدايدى بەيبىت جولمەن شەشۋگە كومەكتەسەدى دەپ ەسەپتەيدى.