يران بيلىگى يزرايلمەن اراداعى 12 كۇندىك قاقتىعىس كەزىندە ەنگىزىلگەن اۋە شەكتەۋلەرىن رەسمي الىپ تاستاعانىن حابارلادى.

ىشكى جانە حالىقارالىق رەيستەر قالپىنا كەلدى

مالىمدەمەدە كورسەتىلگەندەي، ەل ىشىندەگى جانە حالىقارالىق باعىتتارداعى ۇشۋلار سوعىسقا دەيىنگى قالىپتى دەڭگەيگە ورالدى.

سونىمەن قاتار، يران استاناسى تەگەراندا ورنالاسقان «مەحراباد» حالىقارالىق اۋەجايى تاۋلىك بويعى جۇمىس رەجيمىنە قايتا كوشتى.

بيلەتتەر كاسسادا، ونلاين برونداۋ قايتا قوسىلدى

«وسى ساتتەن باستاپ اۋە كومپانيالارى مەن تۋريستىك اگەنتتىكتەر اۋە بيلەتتەرىن ساتۋ جانە رەيستەردى برونداۋ قىزمەتىن تاۋلىك بويى ۇسىنۋعا قۇقىلى»، — دەلىنگەن ازاماتتىق اۆياتسيا ۇيىمىنىڭ حابارلاماسىندا.

بۇعان دەيىن بولعان وقيعا سالدارى

يران 2025 جىلدىڭ 13 ماۋسىمىندا ءيزرايلدىڭ تەگەران مەن باسقا دا ايماقتارعا جاساعان اۋە شابۋىلدارىنان كەيىن اۋە كەڭىستىگىن جاۋىپ تاستاعان بولاتىن.

قاقتىعىس 12 كۇنگە سوزىلىپ، 24 ماۋسىمدا اتىستى توقتاتۋ تۋرالى كەلىسىممەن اياقتالدى