قىتايدىڭ گۋاندۋن پروۆينتسياسىندا ۆيرۋستى 2800-دەن استام ادام جۇقتىرعانى انىقتالعان. «چيكۋنگۋنيا» دىرىلدەك ۆيرۋسى ماسا ارقىلى تارايدى. ول اۋىر زارداپتارعا اكەلۋى مۇمكىن. سونىڭ ىشىندە، قىزۋ كوتەرىلۋى، بۋىنداردىڭ قاتتى اۋىرۋى، جۇيكە جۇيەسىنىڭ بۇزىلۋى سەكىلدى اسقىنۋلار پايدا بولادى.

قىتاي سىرتقى ىستەر مينيسترلىگىنىڭ رەسمي وكىلى گو تسزيانكۋن ۆيرۋستىڭ تارالۋى باقىلاۋدا ەكەنىن مالىمدەدى. ول شەتەلدىك تۋريستەر ءۇشىن ەشقانداي قاۋىپ جوق دەپ سەندىردى.

«چيكۋنگۋنيا» ۆيرۋسى تاراۋ ايماعى نەگىزىنەن افريكا، ءۇندىستان، وڭتۇستىك-شىعىس ازيا، مەكسيكا جانە گۆاتەمالا. دۇنيەجۇزىلىك دەنساۋلىق ساقتاۋ ۇيىمى ۆيرۋسقا قارسى ارنايى ەم جوق دەيدى. شاشامەن 5,6 ميلليارد ادام ۆيرۋستى جۇقتىرۋ قاۋىپى بار ايماقتا ءومىر سۇرەدى.