ۇكىمەت وتىرىسىندا پرەمەر-مينيستر ولجاس بەكتەنوۆ دەنساۋلىق ساقتاۋ ءمينيسترى اقمارال النازاروۆاعا اۋىلداعى كادر تاپشىلىعىن شەشۋ تەتىكتەرىن ناقتىلاۋدى تاپسىردى.

ءسىز كادر تاپشىلىعى ماسەلەسىن ايتىپ ءوتتىڭىز. راسىندا دا بۇل، اسىرەسە اۋىلدىق جەرلەردە وتە وزەكتى. مۇنى ناقتى قالاي شەشەمىز؟ – دەدى پرەمەر-مينيستر.

ءمينيستردىڭ ايتۋىنشا، مەملەكەت باسشىسىنىڭ تاپسىرماسىنا سايكەس، 2024 جىلى دەنساۋلىق ساقتاۋ سالاسىن كادرمەن قامتۋ بويىنشا بىرقاتار ۇكىمەتتىك قولداۋ شارالارى قابىلدانعان.

زاڭ جۇزىندە بەكىتىلگەن نورمالار اياسىندا 100 ەسەلەنگەن ەڭ تومەنگى جالاقى مولشەرىندە قاراجات ءبولۋ كوزدەلىپ وتىر. سونىمەن قاتار اۋىلعا باراتىن جاس ماماندارعا ءۇي ساتىپ الۋ نەمەسە باسپانا سالۋ ءۇشىن بەرىلەتىن بيۋدجەتتىك كرەديت كولەمى دە ۇلعايتىلدى. بۇل كرەديتتىڭ مولشەرلەمەسى – بار بولعانى 0,01 پايىز. سوندىقتان مۇنى ۇلكەن قولداۋ دەپ ەسەپتەيمىز، – دەدى اقمارال ءالنازاروۆا.

ودان بولەك، مينيستر مەديتسينالىق قىزمەتكەرلەردىڭ بالالارىنا بالاباقشاعا ورنالاسۋ كەزىندە جەرگىلىكتى دەڭگەيدە باسىمدىق بەرىلەتىنىن اتاپ ءوتتى.

زاڭ اياسىندا بارلىق الەۋمەتتىك قولداۋ شارالارى بار. الايدا جەرگىلىكتى اتقارۋشى ورگاندار تاراپىنان مەديتسينا قىزمەتكەرلەرىنە ناقتى باسىمدىق بەرۋ ماڭىزدى، – دەدى ول.

Abai.kz