الماتى اكىمى دارحان ساتىبالدى كاتاردىڭ Power International Holding كومپانياسىنىڭ وكىلدەرىمەن كەزدەسۋ وتكىزدى. كەزدەسۋ بارىسىندا تاراپتار دەمالىس پەن ويىن-ساۋىق يندۋسترياسى، بولشەك ساۋدا جانە تسيفرلىق تەحنولوگيا سالالارىندا بىرلەسكەن ينۆەستيتسيالىق جوبالاردى ىسكە اسىرۋ مۇمكىندىكتەرىن تالقىلادى.

Power International Holding كومپانياسىنىڭ كاتاردا، مالديۆ ارالدارىندا جانە وزگە دە ەلدەردە كەشەندى جوبالاردى جۇزەگە اسىرۋدا حالىقارالىق تاجىريبەسى بار. تاراپتار الماتىنىڭ الەۋەتى مەن قولايلى ينۆەستيتسيالىق احۋالىن ەسكەرە وتىرىپ، قالادا بىرلەسكەن جوبالاردى ىسكە قوسۋدىڭ ماڭىزدىلىعىن اتاپ ءوتتى.

دارحان ساتىبالدى الماتى قالاسى ەلىمىزدىڭ ىشكى جالپى ءونىمىنىڭ تورتتەن ءبىرىن قامتاماسىز ەتەتىنىن جانە حالىقارالىق باستامالارعا اشىق ەكەنىن اتاپ ءوتتى. سونداي-اق، قازاقستان مەن كاتار اراسىنداعى ەكىجاقتى ىنتىماقتاستىق دەڭگەيىنىڭ جوعارى ەكەنىن جانە مەگاپوليستىڭ اۋقىمدى ينۆەستيتسيالىق جوبالاردى جۇزەگە اسىرۋعا دايىن ەكەنىن جەتكىزدى.

PIH وكىلدەرى ءوز كەزەگىندە ناقتى سەرىكتەستىك باعىتتارىن پىسىقتاۋعا دايىن ەكەنىن ءبىلدىرىپ، الماتىنى وڭىردەگى ەكونوميكالىق ءوسىمنىڭ نەگىزگى ورتالىعى رەتىندە جوعارى باعالادى.

Abai.kz