پاۆلودار وبلىسىنا جاساعان جۇمىس ساپارى اياسىندا قازاقستان حالقى اسسامبلەياسى توراعاسىنىڭ ورىنباسارى مارات ءازىلحانوۆ وڭىردەگى ەتنومادەني بىرلەستىكتەر مەن قحا قوعامدىق قۇرىلىمدارىنىڭ جەتەكشىلەرىمەن، جاستارمەن جانە ەڭبەك ۇجىمدارىمەن بىرقاتار كەزدەسۋ وتكىزدى.

ساپار بارىسىندا باستى نازار قازاقستان حالقى اسسامبلەياسىنىڭ 30 جىلدىعى مەن جۇمىسشى ماماندىقتار جىلىن ىلگەرىلەتۋگە باعىتتالعان باستامالار، وڭىردەگى قوعامدىق كەلىسىمدى نىعايتۋعا باعىتتالدى.

دوستىق ۇيىندە «جاس ەڭبەككەر – ەل ءۇمىتى» اتتى فورۋم ءوتتى. جيىندا جۇمىسشى ماماندىقتاردى دارىپتەۋدەگى قحا-نىڭ ءرولى، جاستاردى ازاماتتىق پەن پاتريوتيزمگە تاربيەلەۋ، ولاردى وندىرىستىك ۇدەرىستەرگە تارتۋ، مەكتەپ وقۋشىلارىنا كاسىبي باعدار بەرۋ، كاسىپورىنداردا شەبەرلىك ساباقتارى مەن ەكسكۋرسيالار ۇيىمداستىرۋ ماسەلەلەرى تالقىلاندى.

ەتنومادەني بىرلەستىكتەر باسشىلارىمەن وتكەن كەزدەسۋدە وڭىردەگى ەتنوسارالىق كەلىسىمدى نىعايتۋ، جانجالداردىڭ الدىن الۋ جانە ەتنومەدياتسيا سالاسىنا جاڭا تاسىلدەردى ەنگىزۋ ماسەلەلەرى قوزعالدى. ەتنومادەني بىرلەستىكتەردىڭ ازاماتتىق بىرەگەيلىكتى قالىپتاستىرۋعا جانە الەۋمەتتىك باستامالاردى ىسكە اسىرۋعا بەلسەندى اتسالىسۋىنىڭ ماڭىزدىلىعى اتاپ ءوتىلدى.

ساپاردىڭ ماڭىزدى بولىگى «اسسامبلەيا جاستارى» قوزعالىسى بەلسەندىلەرىمەن كەزدەسۋگە ارنالدى. جاستاردىڭ باستامالارىن قولداۋ، ۆولونتەرلىك قىزمەتتى دامىتۋ، تەحنيكالىق ماماندىقتارعا باۋلۋعا باعىتتالعان ءبىلىم بەرۋ جوبالارىن جۇزەگە اسىرۋ ماسەلەلەرى تالقىلاندى.

ساپار اياسىندا مارات ءازىلحانوۆ پاۆلودار قالاسىنداعى د.د. ماحمۋدوۆ اتىنداعى ترامۆاي باسقارماسىنىڭ ۇجىمىمەن كەزدەستى. اتالعان مەكەمە - قحا-نىڭ جاستاردى جۇمىسپەن قامتۋ جونىندەگى جوباسىنىڭ سەرىكتەسى. كەزدەسۋ بارىسىندا كاسىپورىننىڭ الەۋمەتتىك ماڭىزى بار باعدارلامالارعا قاتىسۋى، ەتنومادەني بىرلەستىكتەرمەن ءوزارا ءىس-قيمىلى جانە جۇمىسشىلاردىڭ قوعامدىق ومىرگە تارتىلۋى ماسەلەلەرى ءسوز بولدى.

مەكتەپ وقۋشىلارىنىڭ جازعى ەڭبەكپەن قامتىلۋىن قولداۋ - جاس ۇرپاقتى ەڭبەك ارقىلى تاربيەلەۋدىڭ، جاۋاپكەرشىلىك پەن كاسىبي باعداردى قالىپتاستىرۋدىڭ ءتيىمدى قۇرالى رەتىندە ەرەكشە اتالىپ ءوتتى. قحا مۇشەسى ۆ.بەركوۆسكي ۇيلەستىرەتىن بۇل جوبا مىڭداعان جاسوسپىرىمگە العاشقى ەڭبەك داعدىلارىن الۋعا مۇمكىندىك بەردى.

پاۆلودار وبلىسى قحا-سىنىڭ باستاماسىمەن اباي قۇنانبايۇلىنىڭ 180 جىلدىعىنا ارنالعان «قارا سوزدەر» اۋديو جيناعى تانىستىرىلدى. بۇل جيناق ەندى پاۆلودار قالاسىنداعى ترامۆايلاردا شىرقالىپ، رۋحاني مۇرانى كۇندەلىكتى ومىردە ناسيحاتتاۋدىڭ، مادەني كونتەنتتى تسيفرلاندىرۋدىڭ جارقىن ۇلگىسىنە اينالماق.

بايلانىس:

رامازانوۆا گۇلسىم باكيبايقىزى
پاۆلودار وبلىسى «قوعامدىق كەلىسىم» كمم ءباسپاسوز حاتشىسى
+7 777 518 6140

انۋاربەكوۆ رۇستەم داكەنۇلى
فوتوگراف
+7 777 173 45 60

سارسەنبەك ايجان رىسبەكقىزى
موبيلوگراف
+7 705 568 79 38

Abai.kz