قازاقستاندىق اسكەري قىزمەتكەرلەر تۇرعىن ءۇي تولەمىنىڭ شارتتارىن وزگەرتپەۋدى تالاپ ەتۋدە. اسكەري قىزمەتكەرلەردى قولداۋ جونىندەگى پەتيتسيا قولداۋعا يە بولۋدا.

Gosrating.com پلاتفورماسىندا قازاقستان اسكەري قىزمەتكەرلەرىنىڭ تۇرعىن ۇيگە قاتىستى تولەمدەردىڭ قازىرگى ءتارتىبىن ساقتاپ قالۋدى تالاپ ەتكەن پەتيتسياسى جاريالاندى.

پەتيتسيا اۆتورى – گۇلنۇر قالەلوۆا.

اسكەري قىزمەتكەرلەردىڭ نەگىزگى تالاپتارى مىنالار:

• تۇرعىن ءۇي تولەمدەرىنىڭ قازىرگى شارتتارىن ناشارلاتپاي ساقتاۋ;
• قىزمەت ەتىپ جۇرگەن اسكەري قىزمەتكەرلەرگە قاتىستى بۇرىنعى مەرزىممەن (ياعني، كەرى كۇشىمەن) وزگەرىستەر ەنگىزۋگە جول بەرمەۋ;
• كەز كەلگەن رەفورما ازىرلەۋ كەزىندە اسكەري قىزمەتكەرلەردىڭ پىكىرىن ەسكەرۋ;
• قورعانىس مينيسترلىگى، اسكەري قىزمەتكەرلەر مەن قوعام وكىلدەرىنىڭ قاتىسۋىمەن اشىق تالقىلاۋ وتكىزۋ.

ءبىز مەملەكەت ءوز ازاماتتارىنىڭ قاۋىپسىزدىگى ءۇشىن كۇن سايىن ءومىرىن قاتەرگە تىگەتىن اسكەري قىزمەتكەرلەر الدىنداعى مىندەتتەمەلەرىن تولىق ورىنداۋى ءتيىس دەپ ەسەپتەيمىز، – دەلىنگەن پەتيتسيا ماتىنىندە.

بۇگىنگى كۇنگە دەيىن بۇل باستامانى 1569 ادام قولداپ، 505 ادام قارسى داۋىس بەرگەن.

Abai.kz