بۇگىندە قازاقستاندىق فۋتبولدا الاڭداعى ويىننان گورى — سىرتتاعى ويىندار كوپ سياقتى. سوڭعى كەزدە بۇل سالانى بىرەۋلەر ءوز مۇددەسىنە قاراي باعىتتاپ، تىزگىنىن ۇستاپ وتىرعانداي اسەر بار.

جۋىردا «قايرات» جانكۇيەرلەرى كفف-عا شاعىم ءتۇسىردى: تورەشىلەر بىزگە قاتال، وزگەلەرگە جۇمساق دەپ. ءتىپتى بارلىق ماتچىمىزدى تەك باتىس ەۋروپا تورەشىلەرى باسقارسىن دەگەن تالاپ قويدى.

قىزىعى سول — بۇل تالاپ «قايرات» جەڭىلگەننەن كەيىن ەمەس، كەرىسىنشە، 18-تۋردا «توبىلدى» 3:1 ەسەبىمەن ۇتقان سوڭ ايتىلدى. دوگوۆورنياكتا «جابىرلەنۋشى» جەڭىپ كەتكەنىن ەستىپ پە ەدىڭىز؟ مەن — ەستىمەدىم.

Sportradar دەرەگىنشە، قازاقستان كەلىسىلگەن ماتچتار سانى بويىنشا الەمدە ءتورتىنشى ورىندا. كفف بۇل دەرتپەن كۇرەستى باستاپ كەتتى. جانە بۇل جاي ۇران ەمەس: 12 شىلدەدە «تۋران» – «قىزىلجار» كەزدەسۋىنەن كەيىن باس تورەشى تيمۋر كۋماشوۆ پەن VAR تورەشىسى گەورگي چەحوۆسكي ماۋسىم سوڭىنا دەيىن شەتتەتىلدى.

سوندا جانكۇيەرلەردىڭ نارازى بولۋىنىڭ استارىندا نە جاتىر؟ مۇمكىن، ءدال وسى تازالاۋ بىرەۋلەرگە ۇناماي قالعان شىعار. ال ولار اقپاراتتىق مانيپۋلياتسيا مەن مەديا-ۆبروس ارقىلى ءوز مۇددەسىن قورعاۋ ءۇشىن جانكۇيەرلەردى قۇرالعا اينالدىرۋعا دايىن. ويتكەنى كلۋب ديرەكتورلارى، تورەشىلەر مەن بۋكمەكەرلەر اراسىنداعى «ورتاق بيزنەس» سحەمالارى ەشكىمگە قۇپيا ەمەس.

وسى جانە قازاقستاندىق سپورتتاعى كوررۋپتسيالىق سحەمالار جايلى مەن جۋىردا كيريلل پاۆلوۆپەن سۇحباتتا ايتتىم. وندا سپورت فەدەراتسيالارىنىڭ مينيسترلەر، ۇكىمەت مۇشەلەرى جانە قۇقىق قورعاۋ ورگاندارى باسشىلارى ءۇشىن قالاي «قورعان قابىرعاسىنا» اينالعانى، ال كەيدە تىكەلەي كوررۋپتسيا قۇرالى بولعانى تۋرالى ءسوز ەتتىم.

تولىعىراق — فەدەراتسيالار مەن كلۋبتاردىڭ قارجىسىن كىم جانە قالاي باقىلاۋسىز جۇمسايتىنى، «سامۇرىق-قازىنا» اقشالارى قايدا كەتەتىنى، جانە سپورتتاعى جۇيەلى سىبايلاس جەمقورلىقپەن كۇرەسۋ ءۇشىن قانداي زاڭنامالىق وزگەرىستەر قاجەت ەكەنى تۋرالى Telegram-ارنامداعى سۇحباتتىڭ تولىق نۇسقاسىنان وقي الاسىز:

Abai.kz