ورتالىق كوممۋنيكاتسيالار قىزمەتىنىڭ دەزينفورماتسياعا قارسى كۇرەس ورتالىعىنىڭ جاڭا شىعارىلىمىندا مەدياداعى جانە الەۋمەتتىك جەلىلەردەگى كليكبەيت پەن مانيپۋلياتسيا ماسەلەسىنە نازار اۋدارىلدى. 

مىسال رەتىندە قوعام بەلسەندىسى باقىتجان تورەگوجيناعا قاتىستى جاعداي كەلتىرىلگەن. ونىڭ جازبالارى شىندىققا سايكەس كەلمەيتىن دەپ تانىلىپ، قىلمىستىق-اتقارۋ جۇيەسى كوميتەتى مەن ومبۋدسمەن اپپاراتى، مەديتسينالىق ۇيىمدار، سانيتاريالىق-ەپيدەميولوگيالىق باقىلاۋ جانە ادام قۇقىقتارى جونىندەگى ۇلتتىق ورتالىق وكىلدەرى كىرگەن كوميسسيا تاراپىنان رەسمي تۇردە تەرىسكە شىعارىلدى. 

ەسكە سالايىق، 2025 جىلعى شىلدە ايىندا تورەگوجينا جالعان اقپارات تاراتقانى ءۇشىن سوت شەشىمىمەن اكىمشىلىك جاۋاپكەرشىلىككە تارتىلىپ، 20 اەك (78 640 تەڭگە) مولشەرىندە ايىپپۇل سالىندى. 

ورتالىق اتاپ وتكەندەي، فاكتىلەردى اسىرەلەۋ مەن دراماتيزاتسيا — مانيپۋلياتورلاردىڭ ءجيى قولداناتىن ءادىسى، ول رەسمي اقپارات كوزدەرىنە دەگەن سەنىمدى السىرەتەدى. 

Abai.kz