31 تامىز – 1 قىركۇيەك كۇندەرى تيانتسزين قالاسىندا شانحاي ىنتىماقتاستىق ۇيىمىنىڭ ءسامميتى وتەدى. بۇل ۇيىم تاريحىنداعى ەڭ اۋقىمدى ءىس-شارا بولماق، دەپ حابارلايدى BAQ.KZ ءتىلشىسى بەيجىڭنەن.

قحر ءسىم وكىلى ليۋ ءبيننىڭ ايتۋىنشا، ءسامميتتىڭ كۇن تارتىبىندە قاۋىپسىزدىك، تۇراقتى دامۋ جانە حالىقارالىق بايلانىستاردى نىعايتۋ ماسەلەلەرى قارالادى.

سامميت قورىتىندىسى بويىنشا "تيانتسزين دەكلاراتسياسى" قابىلدانىپ، 2035 جىلعا دەيىنگى شىۇ دامۋ ستراتەگياسى بەكىتىلەدى. قۇجاتتار سىرتقى ىستەر مينيسترلەرى دەڭگەيىندە الدىن الا كەلىسىلگەن. باعدارلامادا سي ءتسزينپيننىڭ اتىنان رەسمي قابىلداۋ جانە مەملەكەت باسشىلارىنىڭ ەكىجاقتى كەزدەسۋلەرى جوسپارلانعان.

ديپلوماتتىڭ دەرەگىنشە، قىتايدىڭ 2024–2025 جىلدارداعى توراعالىعى كەزىندە شىۇ ساياسي، ەكونوميكالىق جانە گۋمانيتارلىق باعىتتار بويىنشا جۇزدەن استام ءىس-شارا وتكىزگەن. قحر ءسىم بۇل ۇيىمدى ىنتىماقتاستىقتىڭ جاڭا دەڭگەيىنە شىعارعانىن اتاپ ءوتتى.

قازىرگى تاڭدا شىۇ-عا 26 مەملەكەت كىرەدى: 10 مۇشە ەل، 2 باقىلاۋشى مەملەكەت جانە 14 سەرىكتەس ەل. بۇل ۇيىمدى ءۇش قۇرلىقتى قامتيتىن ەڭ ءىرى وڭىرلىك ىنتىماقتاستىق الاڭىنا اينالدىرىپ وتىر.

"شانحاي رۋحى" – قاقتىعىستان جانە «قىرعي-قاباق سوعىستان» باس تارتۋ، سەنىم مەن ءوزارا دامۋعا سۇيەنۋ – بۇگىنگى جاھاندىق تۇراقسىزدىقتا دا وزەكتى مانگە يە. ۇيىم حالىقارالىق تۇراقتىلىقتى نىعايتۋعا ءارى قاراي دا قىزمەت ەتەدى، – دەدى ليۋ بين.

Abai.kz