ماۋسىم ايىندا قوس ەل پرەزيدەنتتەرى وسىنداي مامىلە جاساعان.  وزبەكستان جىل سوڭىنا دەيىن موڭعوليادان 100 مىڭ باس قوي اكەلەدى، دەپ جازادى 24.KZ تەلەارناسى.

قويدىڭ العاشقى لەگى نوۆاي وبلىسىنا ۇشاقپەن جەتكىزىلدى. وزبەكستان 2029 جىلى ەلدەگى ۇساق مالدىڭ باسىن 1 ملن-عا جەتكىزۋدى كوزدەيدى. ويتكەنى بۇل ولكەدە كوكونىس، جەمىس مول بولعانىمەن، مالعا جايسىزداۋ.

وزبەكستاندا ەت باعاسى بيىل تىپتەن شىرقاپ كەتتى. كەلىسى – 120 مىڭ سۋم، ياعني ءبىزدىڭ اقشامەن – 5 مىڭ تەڭگە. باستى سەبەپتىڭ ءبىرى - مەملەكەتتىڭ باستى ەت ەكسپورتتاۋشىلارى قازاقستان مەن قىرعىزستان ءونىمدى سىرتقا ساتۋعا شەكتەۋ قويدى.

وزبەكستان موڭعوليادان 100 مىڭ باس قوي ساتىپ الدى. قازاقستان مەن قىرعىزستان، وزبەكستانعا ەت ەكسپورتىنا شەكتەۋ ەنگىزگەلى، كورشى ەلدە ونىمگە دەگەن سۇرانىس ارتىپ، ىشكى نارىققا تىكەلەي اسەر ەتتى.

كورشى ەلگە بەلارۋس ەلىنەن دە ەت يمپورتتالۋدا. وسىلايشا وزبەكستان ەت ونىمدەرىنىڭ باعاسى بويىنشا تمد ەلدەرى اراسىندا كوش باستادى. تاشكەنت وبلىسىنداعى مال بازارىندا ساتىلىپ جاتقان ءتورت تۇلىكتىڭ دەنى قازاقستاننان كەلگەن. مۇندا ءار جەكسەنبى سايىن تاڭ سارىدەن ساۋدا باستالادى. سەمىز قويلاردىڭ قۇنى 200 مىڭ تەڭگەگە پارا پار.

Abai.kz