شىعىس قازاقستان وبلىسىندا جاڭا شەكارا بەكەتىن اشۋ ۇسىنىلدى، دەپ حابارلايدى Ulysmedia.kz.

ۇزاققا سوزىلعان جوبانى جۇزەگە اسىرۋ ماسەلەسى سەنات پەن رەسەي فەدەراتسياسى فەدەرالدىق جينالىسىنىڭ فەدەراتسيا كەڭەسى اراسىنداعى ىنتىماقتاستىق كوميسسياسىنىڭ وتىرىسىندا تالقىلاندى، دەپ جازادى ustinka.kz.

شقو اكىمى نۇرىمبەت ساقتاعانوۆ ريددەر قالاسى ماڭىندا جاڭا شەكارا وتكەلىن اشۋ باستاماسىن كوتەردى. ونىڭ ايتۋىنشا، قازاقستان تاراپىنان قاجەتتى ينفراقۇرىلىم دايىن.

– بۇل جوبانىڭ جۇزەگە اسۋى تۋريستىك اعىمداردىڭ ارتۋىنا جانە ساۋدا-ەكونوميكالىق بايلانىستاردىڭ كەڭەيۋىنە ماڭىزدى سەرپىن بەرەر ەدى. ماسەلە ەكىجاقتى قاراۋدى قاجەت ەتەدى، ءارى ونىڭ جاقىن بولاشاقتا ايتارلىقتاي ناتيجە بەرەتىنىنە سەنىمدىمىز، – دەدى ول.

قازىرگى تاڭدا شەكارا وتكەلى تەك شەمونايحا اۋدانىنداعى «ۋبا» بەكەتىندە بار. الايدا مۇندا شقو مەن رەسەي اراسىنداعى قارقىندى قوزعالىسقا بايلانىستى ءجيى كەدەرگىلەر تۋىندايدى.

Abai.kz